بعد ما مشينه للكافتريا او لكيناهم جان منظرهم يضحك إلى درجه يعني هم تعبانين او هم متوصخين او هم شبعانين نوم ...
لكيناهم كاعدين على الطاولة او كل واحد منهم منتكئ على الكرسي او راسة للوره او سمار الشوكه بيدها او ملك منسكب الجاي على قميصه....
انس : خل اصورهم
شمس : يلا اني هم
_ هاي صورة العمر ...
ذكرني بسهراتنه من جنه بالجامعة خرب بليسك ملوكي ...
_ يلا هسة اروح اكعدهم ...
رحت اكعدهم النوب سمار تحجي بنومها ...
_ ايع هاي الكيكه ولا طيبة بس اكلتها امري لله
اندار على ملك الكاه يكول ...
_ لك أنس الطب شكاك العقول او القلوب او
ديكمل جان انس يسد حلكه
انس : كافي عيب عيب 😄
سمار : سارة لج هذا دكتور أسد فد لعبان نفس
شمس : النوب اجه دور أسد شبيه
_ فد غثيث الله يساعد مرته المستقبليه
باوعت بوجه انس جان يكول ....
انس : بعده غثيث لو تغير...
شمس : طبعه نفس طبع مرتك يلا اسكت
سمار : ولج سارة اليوم سجلنه غياب لان حضرة جنابه جان مزاجه مو حلو شكد وقح آاااااخ كلبي لو بيدي احركه
شمس : ديلا يلا بيج خير احجي كدامه مو من اجه خطبني كمتو تكولون خوش رجال ...
انس : غير يموت
شمس : لو انت بنية جان لكيتك بحظنه ... اثكل شبيك
ملك : ولك انس ولك انس ولك انس
انس : وجع شبيه
ملك : لك احبها
انس : منو
ملك : وحدة قريبه بس صغيرة بس متحبني
انس : لا تحبك تحبك
شمس : خل نصحيهم خطية ...
انس : انتوا عندكم الكلام او انتو نايمين وراثة شي اكيد او ترجعون للماضي
شمس : يمكن والله بس سارة تختلف تفقد الذاكرة او ترجع المكان معين
انس : الف الحمدلله
جان انس يشيل كوب المي او يرش على وجه ملك ....
ملك : يابة شنو هذا
انس : كوم اصحى كوم
او اني ضربت سمار راجدي خفيف على وجهها
سمار : شنو هذا ايد لو ريش اوع
شمس : يمعودة كومي عاد
سمار : ليش احنه وين
شمس : بالكافتريا ننتظر حظرة جنابكم تكملون غفتكم الي صارلها 4 ساعات
