سمار....
وصلنه البيت خالتي او دخلنه جان عمي موجود الي هو زوج خالتي ...
سمار / ملك : سلام عليكم
ابو ملك : يا هلا بالغالي او مرت الغالي
نارين : يا هلا او مسهلا ...
ام ملك: يمه فديت بنت اختي او جنتي
ملك : هااا عيني يمه اشو ما رحبتي بيه
سمار : خاله رحبي بي لان يزعل
ام ملك: شلون لعد غير انت ابني
كعدنه جان يرن الجرس ....
نارين : آني افتح
ملك : لا اكعدي هذا إلياس شفناه بالشارع او كال انو هوو راح ييجي
فتح ملك الباب او جان إلياس واكف او بايده علبة حلويات فخمة او ورد جوري احمررر ...
ابو ملك: اهلا و سهلا تفضل إلياس
إلياس: زاد فضلك عمي ...
ام ملك: يلا هسة تعالو نتغدى او بعدين احجوا
كعدنه اكلنه او الكعدة كلها نارين وجهها محمر بنت خالتي او مدنجه راسها على صحنها ...
او هي من تتصرف هيج لا ارادياً نعرف انو هي عدها شي او خجلانه او متوترة ...
من جنه جهال يعني مو جديده ...
نارين : ماما اني كملت عاشت ايدج ...
ملك : شعجب اشو متغيرة ناري
ابو ملك : كمل اكلك ملك كمل
نارين : لا والله بس اليوم ما ادري شبيه تعبانه والله ...
سمار : انشالله خير ناري
نارين : حبيبتي
رجع كل شخص يكمل اكله ...
ابو ملك: إلياس شلونها الغربه...
إلياس: والله عمي اني بالنسبة الي كشخص كبر او نشأ بالخارج هي شي حلو ... بس مو مثل هنانه اكيد تشعر بالأمان
ابو ملك: ممفكر تتزوج او تشوفنه أولادك...
إلياس : والله عمي ما اعرف شنو اكولك ...
بس اني جاي حتى اطلب ايد بنتك نارين على سنه الله ورسوله او اني حجيت ويه خالتي بس هي كالت ييجي او اطلبها من عنده ...
ملك: بهمس : يعني ملكيت الا نارين
إلياس : شعليك
ملك : غير اختي ...
إلياس: بعدين ملك
ابو ملك: ناخذ رأيها اول شي ...
إلياس: ماشي عمي ...
كام عمي او راح الغرفتها او النقاش طال تقريبا ربع ساعة ...
او رجع جان يكول ...
ابو ملك : احم احم ...
إلياس: ها عمي بشر
ملك : يابة شكالت...
