شمس ....
لحضة جانت مريبة جدا او صعبة بالنسبة الي يعني شخص يتصاوب كدام عينه أعز شخص اله او لمن يشوفو يكولون مات او بعد ساعة يعيش هواية سامعة بس مشايفة بالواقع او هسة شفته بابوية ...اي اي بابوية ...
او مفهمت غير انو الرصاصة الي صارت بابويه رادت تصير بأختي...
او السبب سبب قضية لو تتنازلين لو تموتين
او لمن سمعت سارة تكول ال انس سجلت واحد اني فهمتها بس هو مفهمها
جنه نلعب او احنه صغار جانت على طول تحب العاب الاولاد اسلحه بأنواعها من تجي تلعب او تصيب الهدف تكول سجلت واحد ...
او هنانه اني فهمت انو سارة قتلته للقاتل ....
شلون محد يدري بس هي هاي سارة الي يمسها حتى لو كانت مجرد فكرة تقطع عنه النفس ...
....
سمار...
كمت من نومي رحت اشوف بابا لكيته نايم او ملك نايم على القنفة الي موجوده بالغرفة او انس ماكو ...
تقربت على ملك ...
او لمست ايده دا اكعدة ...
_ ملك ملك ...
ملك كوم ....
_ ها ها شصار بيج شي الطفل شبي ...
_ كوم اني جوعانه
_ بشرفج خرعتيني
نزلت راسي البطني او هو لاحظ انو بدت هورموناتي تشتغل او مبين هورموناتي عبارة عن زعل او بكاء ...
_ كومي ويايه بس منو يبقى يم ابوج ...
_ اتصل على انس ...
_ لحظة ...
رنين الهاتف...
_ الو ...
_ تعال الغرفة عمي تحسين وين رحت ...
_ دنشرب جاي بالكافتريا هسة جينه ...
_ يلا انوس يلا عيني
بعد عشر دقائق اجه انس او مكاود سارة وياه
سمار: يمعودة جعت او ما دا اتحمل ...
سارة : اي يلا روحو احنه نبقى يم بابا
ملك : إذا صار شي اتصلوا بينه اصلا منطول بس نص ساعة ...
انس : لا عادي روحو ارتاحوا شوية
...
سارة ...
راحوا او احنه ضلينه واكفين بالممر ..
جان يمد ايدة على الخصر او كال ...
انس : عمي او صار زين الحمدلله
العرس او صار لقطة جيمس بوند
مناوية تخليني اخذ راحتي ...
سارة : انس استحي شبيك احنى بمكان عام ... وخر عني وخر
انس : من يوم ما شفتج او شفتيني ماكو غير كلمه وخر عندي عندج ...
وخر انس عيب انس
سارة: مبقة شي او نروح البيتنه هو اسبوع يا حبيبي
انس : اويلي اسبوع يمعودة اسبوووع
عقلي راح يسوي إعادة ضبط المصنع من ورة التمديد مالتج...
