《 တင့်တယ်လှပမှုနှင့်သရုပ်ဆောင်အရည်အချင်းတို့၏ အမြင့်မားဆုံးသောပြိုင်ပွဲ - ( ၄ ) : မုန်တိုင်းတို့ကိုဖြစ်ပေါ်စေသည့်အရင်းအမြစ် 》
_______________________________
ဒါရိုက်တာချန်သည်ထိုအကြံပြုချက်အလွန်ပင်သဘောကျနှစ်သက်လှစွာဖြင့် : " ဟုတ်ပြီလေ ၊ သူ့ရဲ့စိတ်ခံစားချက်ကိုမင်းဆောင်ယူကြည့်။ ငါတို့တစ်ချက်ကြည့်ကြည့်တာပေါ့။ "
လင်းရန်သည်ခုံမှထလာပြီးရွှီချီချန်ထံလျှောက်သွားလေသည်။
ထိုသူ၏အရပ်မှာအလွန်ပင်ရှည်လှကာ ၊ ရွှီချီချန်သည်ထိုဇာတ်ကောင်ကိုဖန်တီးခဲ့စဉ်က 187cm ထားခဲ့၏။
ယခုတွင်ထိုဆုံးဖြတ်ချက်ကိုအနည်းငယ်နောင်တရနေမိလျက် ၊ အဆိုပါယောကျ်ား၏ဖိနှိပ်နိုင်စွမ်းမှာအလွန်ပင်ပြင်းလွန်းလှချေသည်။
" မင်းခုနကစကားပြောသရုပ်ဆောင်သွားတဲ့အပိုင်းကိုအတော်ကျွမ်းဝင်မှုရှိပုံပဲ ၊ အဲ့ဒါကိုပဲကိုယ်တို့ဆက်ပြီးသရုပ်ဆောင်ကြရင်ရော ？"
ရွှီချီချန်သည်ခေါင်းညိတ်ပြလိုက်ပြီး : " ရပါတယ်။ "
သူသည်လက်တန်းပြောဆိုနိုင်ခြင်းမရှိသော်ငြားကံကောင်းထောက်မစွာဖြင့်ယခုစကားပြောသရုပ်ဆောင်ရမည့်အပိုင်းသည်သူ၏စိတ်ကူးထက်သရုပ်ဖော်ကြည့်ပြီးဖြစ်ရာယင်းဇာတ်ဝင်ခန်းအတွက်စိတ်ခံစားချက်အခံရှိနေနှင့်ပြီးဖြစ်၏။
လင်းရန်သာနောက်ပိုင်းရှိပေါက်ကွဲရမည့်ဇာတ်ဝင်ခန်းကိုသာရွေးခဲ့လျှင်သူသည်ထိုစိတ်ခံစားချက်သို့ချက်ချင်းပြောင်းလဲဝင်နိုင်မည်မဟုတ်ပေ။
လင်းရန်၏အလုပ်အားကျွမ်းကျင်ပိုင်နိုင်မှုမှာအံ့အားသင့်ဖွယ်ကောင်းမွန်လွန်းလှပြီး ၊ ချက်ချင်းဆိုသလိုပင်သူ၏အမူအရာမှာပြောင်းလဲသွားလေသည်။
မျက်စိတမှိတ်အတွင်းမှာပင်ထိုသူသည်ဇာတ်လမ်းအတွင်းမှနန်ခယ့်အဖြစ်ပြောင်းလဲသွားကာ ၊ တောက်ပသည့်အပြုံးနှင့်ပြင်သစ်ဘာသာစကားတို့ကိုကျွမ်းကျင်ပြေပြစ်စွာဆိုလာချေ၏။
" မင်္ဂလာပါလူကြီးမင်း ၊ အခုမှာထားတဲ့ Iced Mocha အပြင်ဘာများလိုအပ်တာရှိပါသေးသလဲ ？"
YOU ARE READING
《 ဇာတ်သိမ်းဆိုးရူးသွပ်သူနတ်ဆိုး၏အသက်ဆက်ရေးစနစ် 》
Romance「 မင်းကကိုယ်ဂရုတစိုက်ထိန်းသိမ်းစောင့်ရှောက်ထားရပါလေသောအိပ်မက်ကလေး။ ကိုယ်ကတော့ကိုယ်တစ်ချက်ထိတွေ့လိုက်ရုံနဲ့ပြိုကွဲကြေသွားမယ့်နေမင်းကြီးပေါ့။ 」 မူရင်းစာရေးသူ : ကျစ်ချူ။ စုစုပေါင်းအပိုင်း : ၉၇ပိုင်းနှင့်အချပ်ပို ၁၂ ပိုင်း။
