"සහෙල්, කොහෙද යන්නෙ"
"අද මන් එයත් එක්ක දෙකෙන් එකක් බේරගන්නව"
"නැවතියන්, උඹ ඔහොම උඩ දාගෙන ගියා කියල කරන්න පුළුවන් දෙයක් නෑනෙ"
"ඔව් මාත් මෙච්චර දවසක් ඕකිට නටන්න පුළුවන් හැම මගුලම නටන්න දීල බලන් හිටපු එක තමා වැරැද්ද"
"සහෙල් නැවතියන්"
අර ඉන්න සෙනග මැදින් women's championship ගත්ත කෙල්ල දිහාට අත දෙකත් මිට මොලවන් යන සහෙල්ව හසංග එක අතකින් ඇදල නවත්තගත්තා.
"හසංග මේක අපෙ පවුලෙ ප්‍රශ්නයක්."
"ඒ උනාට මෙතනට උඹව එක්කන් ආවෙ මන්, ඒ හින්දා මෙතන පිස්සු කෙලින්න ලෑස්ති වෙන්න එපා"
"මාව අතාරිනවා"
මැණික් කටුව ළඟින් තදට අල්ලං ඉන්න grip අස්සෙන් සහෙල් අත කරකව කරකව හසංගගෙ ග්‍රහණෙන් මිදෙන්න හැදුවත් ඒ වැඩේ ලේසි උන්නෑ. එන්න එන්න තද වෙන ග්‍රහණය නිසා අරූගෙ අතත් රතුවෙලා තිබ්බේ. සහෙල් ආයෙත් අත ගසා දාල යන්න හැදුවත් උට කලින් ඉක්මන් උන හසංග සහෙල්වත් ඇදගෙනම ගියේ උගෙ බයික් එක නවත්තලා තිබ්බ දිහාට.
දැන් වෙලාව හවස තුනහමාර පහු වෙලා. Race එක බලන්න ඇවිත් ඉඳපු එකා දෙන්නා ඒ වෙනකොටත් ගෙවල් වලට යනගමන් හිටියේ. එහා මෙහා යන සෙනග අස්සෙන් හසංග බයික් එක ළඟට ඇවිත් helmet එකක් සහෙල් දිහාට දික් කරා. ඒත් ඒක නොගෙනම සහෙල් අහක බලාගෙන හිටපු විදිහට හසංගට තරහ ගියත් ඌ ඒක පිටට නොපෙන්නා ඉන්න පුලුවන් තරම් උත්සහ කරා.
තමන්ගෙ හෙල්මට් එක දාගත්තට පස්සෙ හසංග සහෙල්ව ළඟට අරං උගෙ ඔලුවට අර full face එක දැම්මෙ මේ වෙලාවෙ ඕකාට මොන දේ කිව්වත් නාහෙට අහන්නෑ කියල දන්න නිසාමයි.
"නැගපන්"
"....."
"දැන් මන් උඹව උස්සල මේක උඩ තියාගන්නකන් ද බලන් ඉන්නෙ"
"......"
"සහෙල්, මගෙ ඉවසීමේ සීමාව පනින්න කලින් හොඳ හිතින් නැගපන් බයික් එකට..."
සහෙල් අනික් අතට මොකුත් නොකියම හසංගගෙ කරට බරදීල බයික් එකට නැගගත්තෙ අරූ ඇඳන් හිටපු polo shirt එක දෙපැත්තෙන් ලාවට අල්ලගන්න ගමන්.
කමක් නෑ නැග ගන්න එක හරි කරානෙ කියල හිතන් හසංග අරූගෙ අත් දෙකෙන්ම අල්ලන් තමන්ගෙ ඉන වටේට ඔතාගෙන bike එක start කරල පාරට දැම්මා.
