ဪ.. ဘ၀အဆက်ဆက် လွဲချင်ပါတယ်ဆို ဘ၀အဆက်ဆက် လာဆုံတော့တာပဲ..။
"မင်း.. မင်းနာမည် လဲ့အာလား"
ထိုမိန်းကလေးက သူမကို တစ္ဆေသရဲ တွေ့သလို ကြောက်လန့်တကြား ကြည့်နေသော ရှောင်းကျန့်ကို အကဲခတ်သလို ကြည့်သည်..။
"ဟုတ်တယ်လေ အရှင့်သား"
ရှောင်းကျန့် ခေါင်းထဲ မိုက်ကနဲ..။ တကယ်ကြီး.. တကယ်ကြီး လဲ့အာပဲ..။ ဒင်းမျက်နှာကိုတောင် မကြည့်ချင်တာ ဘယ်လိုလုပ် ကြင်ယာတော် မြှောက်ရမှာလဲ..။ အဲ.. နေဦး.. ဒါလည်း တမျိုးကောင်းသွားတာပေါ့..။
"မင်း.. ဟို... နယ်စားကောင်ကို တကယ်ချစ်တာလား"
လဲ့အာ မျက်နှာက အေးစက်သွားသည်..။
" အရှင့်သား အမိန့်ကို ကျွန်တော်မျိုးမ နာခံပြီး နန်းမြို့တော်ထိ လိုက်လာခဲ့ပြီးပါပြီ.. အရှင့်သား ထပ် အပြစ်ရှာချင်သေးတယ်ဆိုရင်တော့..."
"မဟုတ်ဘူး!! အကောင်းမေးနေတာ.. ကိုယ်တော့်ကို အမှန်အတိုင်း ဖြေပါ"
လဲ့အာက နှုတ်ခမ်းကို ကိုက်လိုက်ပြီးမှ
"ကျွန်တော်မျိုးမ ရင်ထဲ နှလုံးသားထဲက ချစ်ရသူဟာ တယောက်ထဲပဲ ရှိပါတယ်.."
"အဲ့ဒီလူက ငါမဟုတ်ဘူးမလား"
လဲ့အာက ဘာမျှမပြော..။ ဆိတ်ဆိတ်နေခြင်းသည် ၀န်ခံခြင်းတမျိုး မဟုတ်ပါလား..။ အသံထွက်ပြောရလောက်အောင်တော့ သူမ မရူးမိုက်သေး..။ ရှေ့မှလူက ရုပ်ကလေး လှသလောက် ခက်ထန်ရိုင်းစိုင်းပြီး လက်ရှိဘုရင်ပြီးလျှင် အာဏာအရှိဆုံးသူ..။
"ကောင်းပြီ.. မင်းချစ်တဲ့သူနဲ့ ပေါင်းဖက်ဖို့ ငါ ခွင့်ပြုတယ်"
ရုတ်တရက် သူမ နားကိုပင် သူမ မယုံနိုင်..။
"ငါ အရင်က အတင်းအကျပ် လုပ်ပြီး မှားခဲ့တာတွေ ရှိရင် တောင်းပန်ပါတယ်.. ဒဏ်ရာရပြီး အိပ်ရာထဲ လဲနေတဲ့ အချိန်မှာ တချို့ ကိစ္စတွေကို ငါပြန်သုံးသပ်ကြည့်တော့ အချိန်မလွန်ခင် ပြင်လို့ ရတာလေးတွေ ပြင်ဆင်ချင်စိတ် ပေါ်လာတာနဲ့.."
YOU ARE READING
အတိတ်ကို ပြန်ရောက်သွားပေမယ့် ရှောင်ရှောင်းကျန့်လေးကမကွေးဘူး
Fanfictionမင်းတို့ စဥ်းစားကြည့် BL ဖတ်တဲ့သူတိုင်း ကွေးလို့လား... မင်းတို့ကော ကွေးလို့လား.. ငါလည်း မကွေးဘူးကွ.. ဖြောင့်လိုက်တာမှ ဓါတ်တိုင်ကြီးအတိုင်းပဲ..
