YOU ARE READING

Romance

He's toxic but I can't get away from him . Own Characters.

အပိုင်း(၁၆)

33.3K 1.9K 377

by Lyla____nn

by Lyla____nn

ဖုန်း ringtone သံနဲ့အတူ 'Thway'
ဟု မှတ်ထားသောContact name ကို
မြင်လိုက်ရသည့်အတွက်ကြောင့်
လင်းထွဋ်သော် ချက်ချင်းပင် ကိုင်လိုက်မိသည်။

"မင်းဖုန်းခေါ်ထားလို့ လင်းထွဋ်သော်"

"အွန်း ပြောစရာရှိလို့ခေါ်လိုက်တာ"

"ဘာပြောမှာလဲ ပြောလေ"

"ခုနက ဆိုင်ကို ရတီတို့လာသွားတယ်"

"အင်း"

"အဲ့ဒါလေ သူတို့က မြခနောက်တောင်
တက်ကြမလို့တဲ့ ။ ငါတို့ကိုရော လာခေါ်တာ.."

လင်းထွဋ်သော် မတင်မကျပြောလိုက်သည့်အခါ
စိုင်းစစ်သွေးမာန်က

"မင်း တက်ချင်လို့လား"

" မင်းတက်ချင်မှပါ။ မင်းစိတ်မပါရင်
ငါလဲ ငြင်းလိုက်မယ်လေ..။
Third wheel တော့ မလုပ်ချင်တော့ဘူး.."

လင်းထွဋ်သော် စူပွပွပြောသည့်အခါ
စိုင်းစစ်သွေးမာန်၏
ရယ်သံဟဟကို ကြားလိုက်ရပြီး

" ရည်းစားပါမှ လိုက်မယ်ပေါ့လေ"

" အင်း"

"ရည်းစားကို အရမ်းချစ်နေတယ်ပေါ့"

"အွန်း.."

"ဘာလို့ ဖားသံနဲ့ ပြောနေတာလဲ"

စိုင်းစစ်သွေးမာန်၏ စကားကြောင့်
လင်းထွဋ်သော် မျက်တောင်လေးများကိုပင်
ပုတ်ခတ်၍

"ဟင် ဘာကို ဖားသံလဲ"

"ပါးစပ်ကပြောလေ အင်း အင်း အွန်း အွန်း နဲ့"

"ရှက်လို့လေ"

"ဘာရှက်တာလဲ"

"နည်းနည်း ရှက်တာပေါ့"

"ရှက်စရာလားကွာ။ တကယ်ဆို
ရည်းစားတောင်မဟုတ်တော့ဘူး"

"မင်းနော်"

"နောက်တစ်ခေါက် ဘယ်တော့လဲ"

"ဘာကိုလဲ.."

"ဘယ်အချိန်မင်းရဲ့အရသာလေးကို ထပ်မြည်းလို့ရမလဲ မေးတာ"

" အာ.."

မျက်နှာရော နားရွက်ဖျားတွေပါ
ပူထူလာသည့်အတွက်ကြောင့်
လင်းထွဋ်သော် ခပ်တိုးတိုးလေး
ရေရွတ်မိရာစိုင်းစစ်သွေးမာန်က
သဘောတကျရယ်လာသည်။