The Transmigrated Li Jin's Daily Farming Life《Myanmar Translation》

အခန်း(၉)

အခန်း(၉) ယုံကြည်မှု

လီကျင်၏ မျက်နှာသည် အမူအရာမဲ့နေသော်လည်း သူ့စိတ်ထဲမှာတော့ တကယ်ပင် တုန်လှုပ်သွားလေ၏။

ကောင်လေးကို သူပြောလိုက်သည့် စကားသည် မူလက ပေါ့ပေါ့ပါးပါး ဟာသတစ်ခုသာဖြစ်သည်ဟု သူထင်ခဲ့သော်လည်း ယခုအခါမှာတော့ အဝတ်ဗလာစနောက်မှုဖြစ်သွားလေ၏။

လီကျင်သည် အပေါ်ယံတွင် ကြင်နာတတ်ပြီး နှိမ့်ချတတ်သောပုံ ပေါက်သော်လည်း တကယ်တော့ သူနှင့် နှလုံးသားချင်း ပေါင်းသင်းဆက်ဆံရန် ခက်ခဲလေသည်။

သူသည် စိတ်ကောင်းနှလုံးကောင်းရှိသူဖြစ်ပြီး၊ အကူအညီတောင်းပါက လုပ်ဆောင်ရန်မခက်ခဲသရွေ့ သူကူညီလိမ့်မည်ဖြစ်သည်။

သို့သော် သူ့နှလုံးသားထဲသို့ ၀င်ရောက်နိုင်ဖို့ တကယ်ခက်လေသည်။

လီကျင်သည် သူ့ယခင်ဘဝတွင် ကောလိပ်ကျောင်းတက်နေချိန်၌ သူ့၏ ထူးကဲသောအသွင်အပြင်နှင့် ထူးချွန်သောအဆင့်များကြောင့် ကျောင်းသားအားလုံး၏ နှလုံးသားများသည် သူ့အပေါ်တွင်ရှိနေခဲ့သည်။

သို့သော် ဤလူကတော့ မဖြစ်နိုင်ဟု ငြင်းဆိုခဲ့လေ၏။

ရှဲ့ဟွာသည် ဇွဲမလျှော့သော မိန်းကလေးတစ်ဦးဖြစ်၏။ လီကျင်သည် သူမအား " မချစ်ပါနဲ့" ဟု ပြတ်ပြတ်သားသား ပြောခဲ့သော်လည်း၊ လီကျင်သည် မြင့်မားသောတောင်တန်းပေါ်က ပန်းပွင့်အဖြစ်စွဲလန်းနေကာ သူ့အားလိုက်ရန် အခိုင်အမာ တောင်းဆိုခဲ့လေသည်။ ရလဒ်အနေနှင့် ရှစ်နှစ်ကြာသည်အထိ လီကျင်သည် အတန်းဖော်မိန်းကလေး၏နှလုံးသားကို နွေးထွေးမှုမပေးခဲ့ဘဲ၊  နောက်ဆုံးတော့ ရှဲ့ဟွာသည် အရှုံးပေးလိုက်လေ၏။

နောက်ပိုင်း၌ လီကျင်သည် သူတို့ကျောင်း၏ တွဲဖက်ဆေးရုံသို့ ဝင်ရောက်ခဲ့ပြီး တူညီသည့်ဌာနမှ တခြားအမျိုးသားဆရာဝန်တစ်ဦးကလည်း သူ့ကို လိုက်ခဲ့လေသည်။

——" အရင်တုန်းက ကျောင်းပန်းပွင့်က မင်းကို လိုက်ခဲ့တာကို တစ်ကျောင်းလုံးသိတယ်။ လီကျင် မင်းက ဂေးလား။ ငါတို့ စမ်းကြည့်နိုင်မလား "

လီကျင် : "............"

အဆုံးမှာတော့၊ သူ မစမ်းခဲ့ပါချေ။ လီကျင်၏ အောက်ခြေလိုင်းကို လွယ်လွယ်နှင့် ဘယ်တုန်းကမှ မပြောင်းလဲခဲ့ဖူးပါချေ။ ဘယ်လောက်ကြာပါစေ ခြွင်းချက်မရှိပါချေ။