The Transmigrated Li Jin's Daily Farming Life《Myanmar Translation》

အခန်း(၂၅)

အခန်း(၂၅)

ညနေခင်း၌ လီကျင်သည် စာအုပ်ကိုကူးယူရန် ပြန်သွားခဲ့ကာ၊ စာရွက်ကြမ်းဖြင့် အခြေခံအကျဆုံး လက်ရေးလှရေးခြင်း လေ့ကျင့်ခန်းကို ဆက်လက်ပြုလုပ်ခဲ့သည်။

ကောင်လေးရောက်လာသောအခါ၊ သူသည် အရိုးရှင်းဆုံး လေ့ကျင့်ခန်းလုပ်နေသည်ကို တွေ့လိုက်ပြီး အနည်းငယ် အံ့သြသွားလေ၏။

လီကျင်သည် စုတ်တံကို ချလိုက်ပြီး၊ ခေါင်းလှည့်ကာ လှမ်းကြည့်လိုက်ပြီး မေးလိုက်၏။ "ဘာဖြစ်လို့လဲ"

ကောင်လေးသည် အသာအယာ ပြုံးပြပြီး၊ သူ့မျက်ခုံးပေါ်ရှိ မှဲ့နီလေးသည် ဖယောင်းတိုင်မီးရောင်အောက်တွင် အထူးသဖြင့် လှပနေလေ၏။

သူက ဆိုလေ၏။ “ ကျွန်တော့်အစ်ကိုတွေ အရင်က စာသင်ကြတုန်းက၊ ဆရာကလည်း သူတို့ကို အခြေခံအကျဆုံး အလျားလိုက်နဲ့ ဒေါင်လိုက်အဲ့ဒါမျိုးတွေကို လေ့ကျင့်ခိုင်းတယ်လေ။ အရင်က အားကျင် အနီရောင်ပေါ်မှာ ရေးတာကိုပဲမြင်ဖူးပြီး၊ မလေ့ကျင့်ဘူးလေ။ ကျွန်တော်က အားကျင်ကို အဲ့အကြောင်း ပြောပြချင်ခဲ့တာ။ ဒါပေမယ့် အခွင့်အရေးတစ်ခု ရှာမတွေ့ခဲ့လို့"

ခဏရပ်လိုက်ပြီးနောက် ကောင်လေးက ဆက်ပြောလေ၏။  "အားကျင်က သူ ရေးထားတာတွေကို စုစည်းထားပြီးပြီ၊ ဒါပေမယ့် ကျွန်ျတာ် ဘာမှပြောစရာ မလိုတော့ဘူး"

သူပြောနေသည်မှာ မူလပိုင်ရှင်ဖြစ်သင့်သည်ဟု လီကျင်က ထင်သည့်အတွက်၊ သူ့ကို မှတ်ချက်ပေးဖို့ အခွင့်အရေးမပေးခဲ့ပါချေ။

လီကျင်က မေးလိုက်၏။ " မင်းလည်း စာရေးနိုင်လား "

ယခု သူသည် မူလပိုင်ရှင်၏ မှတ်ဉာဏ်များ၏ အများစုကို ပြန်လည်ရရှိခဲ့ပြီး၊ သူသည် မည်သည့်အရာကိုမျှ ထုတ်ဖော်မိမည်ကို မစိုးရိမ်ပါချေ။

ကောင်လေးနှင့်ပတ်သက်သည့် မူလပိုင်ရှင်၏ မှတ်ဉာဏ်မှာ သနားစရာကောင်း၏။ ကောင်လေးသည် သူဝယ်ထားခြင်းခံရမှန်းသာ သိသော်လည်း ကောင်လေး၏ဘဝအတွေ့အကြုံကို သူ အများကြီးမသိချေ။

ချင်မု၀မ်သည် သူ့မျက်လုံးများကို ငုံ့ထားပြီး ဆိုလေ၏။" ကျွန်တော် နည်းနည်းသိပေမယ့် ကောတစ်ယောက်က တရုတ်စာသင်ဖို့ အသုံးမဝင်တာကြောင့် ကျွန်တော်် အများကြီးမလေ့လာခဲ့ရဘူး"