Mir | ميـر

Part1

صلو على سيدنا محمد عليه افضل الصلاه السلام
~~~~~~~~~~
البارت الاول

احم خيرات ي قراء نبدا نحكيلكم عليا وع قصتي بختصار قبل يبدو الاحداث

انا اسمي ميريام بس الكل يقولي مير مشا فيا الاخصار هذا من وانا صغيره لعند الكل يسحاب اسمي اجنبي مير بس وانا بروحي لعند قريب نسيت اسمي الحقيقي عمري 18 توا وحياتي عاديه جدا في عيله مستواها المادي متريح الحمد لله عندي خويا الكبير وانا واختي بعدي وبس وكلنا مزلنا نقرو وصغيرين نعتبرو
ماما وبابا تزوجو عن قصه حب لما كانو يشتغلو في شركه بابا كان مديرها وماما كانت موظفه فيها
خويا الكبير مجد حملت بيه وجاباته في سويد لان وقتها بابا كان عنده شغل ف توحمت ع اشكالهم غادي وجاي اشقر واخذ كل جينات عيلتنا الحلوه مكملها علينا وعمره توا عشرين ويقرا بمنحه في هولندا
وبعدين اني مير كيف كملت ثانوي وطبعا انا البنت الي في العيله الي افكارها اكبر منها حلمي نقعد مليونيرا ونعيش بروحي في نيو يورك ويعقد عندي البزنس بتاعي ونقعد مشهوره والكل يعرفني وكنت جديات نبي نحققه الحلم هذا راه متهزوش كنت نبي نقرا تخصص سريع في جامعه بيش نبدا مشروعي نحقق احلامي بس كل شي خرب وتوا تعرفوا عليش
اختي الي بعدي ميس مزالت اول ثانوي عمرها 15 وهذي عكسي تماما كانت بس همها تحكي مع صحباتها وتطلع تصرف فلوس وتبان هي احسن من صحباتها وهي تصرف وهي احلى منهن وبس تبي ترتبط وتتزوج عن حب وعندها ع جو تضيف شباب عكسي تماما قلتلكم تقريبا
انا لاني نخمم ونفكر كيف نبي نحقق حلمي ونقعد مليونيره ع قولتي كان نعنديش وقت لهم الشباب ومكنتش متخيله نفسي في يوم متزوجه ابدا مش عارفه ليش وكنت نكره شي اسمه شباب وحب مكنتش مصدقه ان في حب في انه تتعود ع شخص ممكن بس حب لا اعتقد كنت ديما نقول لو ح نتجوز يوم من الايام اكيد دلاله ونحكي معاه خطبه نتعود عليه وخلاص نعيشو في ثقه واحترام وكذا بس جزء مني كان خاطره ندير علاقه ونحب وننحب ونتجوز ونعيشو في الاجواء هذين بس جزء ان منتجوزش ونسافر العالم بعد نقعد مليونيره طاغي اكثر
لمهم عاد كنت عايشه حياتي عادي كيفي كيف كل مراهقه نوعى نفطر نساعد ماما نهدرز عليها ونشوف فوني وصحباتي نطلع في العشيه ندهور الليل يعدي ياما نقرا في كتب او ندور بين صفحات المليونيرين نشوف فيهم كيف وصلو او نحكي مع بستي الي حتى هي كانت كيفي حلمنا نسافرو مع بعضنا العالم بفلوسنا في ايدينا بيركن (ماركه شناطي مشهوره جداً وغاليه جداً مفش حد يقدر يشريها )وراكبين بي ام ولامبرقيني نلفو في شوارع روما وباريس😭(احلامنا كبيره عارفه بس شن كان بيدينا غير الحلم بعدين ترا قولو او احلامنا خايسه والله احسن من انك تحلمي تتزوجي وتفلطي في عيال وتعيشي فوق هله ومشاكل وقصص حزينه)
لمهم ي حناتي تعالو نحكيلكم توا شن قصه الروايه وليش كل شي خرب

في يوم مش غريب عادي جدا وعيت ودرت جوي وصليت وفطرت وكانوا الكل في اشغالهم ومدارسهم ومجد كان في هولندا طبعا يجينا كل صيف بس خشت ماما للحوش في ايديها اكياس وبوكسات كبار ملحد صبيت نجري ساعدتها
مير..ماما شني هذين خيرك
ماما(دارين)..هذو للعرب بعدين جايين
مير..عرب مني علاش جايين
ماما..توا تعرفي بعدين كلمي بيني (الشغاله) تعاوني فيهم
(راكم تسحابونا عرب راقيين وجو عندنا خدم وحشم هذي بيني تجينا كل شتا ايام عندنا دوام علشان تاخذ بالها من الحوش وكذا )