Mir | ميـر

Part4

صلو على سيدنا محمد
البارت الرابع

الساعه اثنين بعد الظهر

وصلوا اصيل ومير لفيلتهم الي جنب باقي العيله يعني كيف ما وضحنا في البارت الي فات

فتح اصيل الباب وخشت مير من وراه وهو خشش الشناطي قعدت تبحت مير في الفيله حلوه بكل متوقعتهش هكي كبيره وحلوه واثاثها جميل وبسيط المره الي جت فيها كانت كيف فجر طالع الضي ومنتبهتش واجد لانهم كانوا بيطلعوا بسرعه

اصيل: عدي ارقدي توا انتي علشان بعدين في الليل هلي دايرين عشا وعازمين العيله
مير:بكرا نعدو لاماليا اني
اصيل باستغراب:اها

ركبت مير فوق وخلاته يعاني في شناطيها الملحد بروحه وخشت درات دوش ولبست بجامه وحطت تلفونها في الشحن بعد دزت مسجات لهلها وجنين انها روحت ورقدت

وعت الساعه سته ملقتش قاعد
صبت للمطبخ الي كان بار يفتح ع مربع فيه طاولة الاكل ويمينها صالون وشاشه (قعده عمليه مش هذي صاله الاستقبال)
دارت نسكويك وركبت فتحت دولابها طلعت سروال اسبنيول رصاصي وتوب ابيض ضيق مفيش كتوف وطلعت شنطه و كعب حمر وقعدت دير في شعرها ومكياجها

كملت ع الساعه سبعه ونص لبس وطلعت بشت تلبسه فوق لبستها لان توب بتاعها ضيق ومفيش كتوف وبخت عطر مسكت تلفونها تشوف جنين على جيته

اصيل من تحت:كان وتيتي هيا
كرت مير شنطتها وعطرها الي زادت منه ودكنت روجها الاحمر اكثر وحطتهم في الشنطه ونزلت

شافها اصيل نازله ومقدرش ينزل عينه من عليها لعند وصلت فيها وقاطع تفكيره صوتها
مير:هي
اصيل رفع حاجبه:ع خير؟
مير رفعت عيونها فيه باستغراب:خيرك
اصيل:وشعرك ووجهك
مير:شن كنا في وشاح بس قعدنا في وشاح وخمار
اصيل:مقتلكش تخمري انا البسي خرا غطي شعرك وغطي حتى وجك
مير:وعليش نغطي فيه وجهي
اصيل:والمكياج الي حاطتيه هذا كله وين ماشيه بيه
مير:هلك عازمين العيله شنو نعدي بلا ميكب
اصيل:استغفر الله مقلتش امسحيه قلت غطيه بس
مير:اوووف وركبت كرت وشاح محوتك لقاته لان هي مش شاريه ولا حد شرالها وعزقاته ع راسها وطلعو

هما اساسا كانو في الشارع الخلفي ف مخذش منهن طريق دقيقتين وكانو واصلين

كانو شباب العيله كلهم قدام الباب و اسياده والباقي خاشين طالعين ع المربوعه لان مكانش في حد براني

مير:هاه مفيش حد براني وهما اساسا يخشو ويطلعو يعني نغطي توا يشوفو جوا
اصيل: استغفر الله انزلي هيا