صلو على سيدنا محمد
البارت الثامن
صباها ولبسها جاكه لقاها معلقه ورقدها ورقد جنبها بس المره هذي كان وجهم مقابل بعض مش كيف قبل كل واحد عاطي وجه لجهه
كانت مير مبتسمه وهي تبحت فيه وخدودها حمر من الحراره
اما اصيل ف كان يشوف لعيونها الي من اول مره يشوفها فيها كانو عاجبينه:خلاص ارقدي مفي شي يصحك
مير:منضحكش مبتسمه بس عيب
اصيل:لا حتى ابتسام متتبسميش
مير:الابتسامه في وجه اخيك صدقه
اصيل:بس انا مش اخيك وارقدي خلاص
قلبت مير وجها للجهه الاخرى ورقدت اما هو ف ابتسم ع لقطتها ورقد
وعى اصيل ثاني يوم ملقش مير جمبه غسل وصلى ونزل ملقاهش حتى لوطى توقعها عند هله ف لبس وعدا لفيلة هله وفعلا لقى عمامه قاعدين ف تاكد انها جوا خش سلم ع امه وعماته كانو في الصاله وسالهم على مير قالوله في المطبخ
خش لقاها مقعمزه ع كرسي الطاوله ومقعمزه مقابلها اخته الصغيره يقين ومافطنش للباقي قرب منها
يقين صبت اول ما وصل فيهن اما هو قرب منها يهمسها
اصيل:كويسه اليوم
مير ابتسمت ع لقطته وكانت تبحت في عيونه فوق لانها مقعمزه وهو مطبس عليها مسكت صحكتها:مكنتش مريضه امس
اصيل:ها مالا شنو كنتي امس
مير:انت بس كنت مدقق كنت نضحك عادي
قطعت عليهم استبرق لما خشت ولقت خوها مطبس ع مير
استبرق: ما يتحشم بكل خويا شويه ويبوسها قدامنا
صبا اصيل وبحت وراه لاخته واخيرا فطن انه مش بروحه في المطبخ وانه حتى بنات عمه كانن قاعدات ورفع حاجبه:وعليش بنتحشم وكان بنبوسها نبوسها مراتي هي وانا حر
استبرق ضحكت ومير بتموت تدعي تنشق الارض وتبلعها
اصيل: راني مفطرتش وبنركب لداري فوق
استبرق غمزت ل مير وضحكت وطلعت وراه
دارت مير قهوه وركبت بيها له فوق
دقت وفتحت الباب وسمعاته يحكي مع حد وكان معصب معش عرفت توخر ولا تقدم وهو اول ما لف وشافها كيف متوتره وكانت تبي ترد هدا وسكر على كان يحكي معاه وقرب منها
مد يده خذا منها الصفره وكرها من يدها وسكر الباب
مير حكت وهي رافعه راسها لفوق من طوله :كنك معصب مع من كنت تحكي
اصيل يبحت في عيونها : شغل
مير:شن تشتغل
اصيل:في شركه
مير:باهي عليش تعصبت
اصيل:صار خطا
مير:باهي بنعدي
اصيل:اصبري شويا
مير قلبها قعد يدق خافت بذات انهم في داره وبروحهم ومظلمه ودنيا هدوء وكانو يحكو بهدوء خلاص قلبها قريب يطلع كان تلقى تطلع حتى من الروشن مش بس من الباب
قعمز ع كنبه في داره وبحت فيها لقاها متبعش فيه
اصيل:تعالي كنك خايفه
جاته قعمزت جنبه :مش خايفه بس مقتليش انت تعالي ورايا شن عرفني
اصيل:وانتي كل شي عندك له جواب
مير:اشرب قهوتك را تصقع
اصيل:مش قلتي تبي سياره (كان يبي يفتح معاها موضوع وخلاص)
مير :باهي وعيونها قلوب
اصيل ضحك ع ردة فعلها:شن تبي ؟ بي ام صح
مير:يب كيف عرفت
اصيل:نعرفك انا
مير ميلت راسها لجنب وقعدت تبحت فيه مبتسمه
اصيل: متبيش تشكريني
مير:بعد نركب فيها توا نشكرك
اصيل:نقولك توا مفيش
مير:متقدرش تقول مفيش مش كلمة الراجل وحده
اصيل:بنعرف من وين تجيبي فيه كلامك
ضحكت مير:خليني ننزل توا يدوروني
اصيل:عدي انا بنعدي للشغل راه كان تبي شي رني
مير:باهي
أنت تقرأ
Mir | ميـر
Roman d'amour"انا كنت عارف ان حل القصه كان لازم باني نضحي بس مش بيها هي" "انا نحبك بالافعال مش بالاقوال" ~~~~~~~~~~ مير بعد سمعت كلامه صبت اتكت ع ايديها : اصيل انا منعـ...قطع عليها اصيل حط يده ع خدها:نعرف كان يحكيلي عليك قبل وحكالي انك معطيتيش فرصه بكل مير:اصيل...
