Mir | ميـر

Part 14

صلوا على سيدنا محمد
البارت الرابع عشر

مير مكانتش تبي تعدل قي البدايه كانت تبي تخش تسكتهن بعد قالو عيله اعي بس بعد تعمقو في موضوع امها مقدرتش تتحمل وخرت وكيف جايه بتخش خبطت في حد
اصيل:كنك وين كنتي ماشيه
مير مبتش تبحت فيه :شي نـ...رفعت يديها تمسح في دموعها
اصيل من صوتها عرف انها تبكي وبعد رفعت يديها تاكد رفع وجها من فكها بيده :كنك شن في
مير حاولت تمسك دموعها:شي تذكرت ماما بس
اصيل كان يسمع في ضحك وهدرزت بنات عمه بس ما بش يتسرع:ميريام
مير رفعت عيونها فيه مستغربه في نبرة صوته وانه قال اسمها كامل:نعم
اصيل:توا قولي شن قالن
مير:اصيل ..تنهدت ومعرفتش شن تقول
اصيل:كلمه هي قولي شن قالو
مير:حكو ع ماما ما قدرتش تتحكم في صوتها ودموعها لما قالتها واصيل رقاله بكل ..قعدت اسبوعين بيش تقبلت الموضوع واسبوع وهو يحاول ينسيها ويغير جوها وهنا بكل بساطه ومش عارفه شن يكون السبب الغبي الي يخليهم يجيبو سيرتها
اصيل:خشي اغسلي وجك توا نجيك
خشت مير واصيل عدالهن
اصيل كح علشان يعرفن انه جا
بلقيس:اصيل جيت
غاده :حتى انا عيد ميلادي الاسبوع الحاي ي اصيل
اصيل:امتى عمري جبت لوحده فيكن هديه فاي مناسبه كانت
نادين ضحكت ترقع :تبصر معاك ي اصيل كنك
اصيل:متبصرنش
نادين بحتت في بلقيس باستغرب
منال:اصيل غيراتك علينا منبصروش ومنحكوش
اصيل:ميغرتنيش على حد انتن ادورن في الحس وديرن في حركات ما درتنهن قبل نجوز شن خطر عليكن توا
عندي كلمتين
الاولى بينا خير وسلام لان اقارب وعيال عم غير هكي لا ديرن الطروح هذين ولا تبصرن
ثاني شي مير ما نسمع وحده فيكن وصلت فيها ولا هلها حتى هي بينها وبينكن خير وسلام غير هكي لا تفتحن سريب ولا ديرن الخركات الي ديرن فيهن را فاطنلكن وافطنن انتن لرواحكن ما كنتش نبي نحكي واا نوصل فيكن بس انتن درتنها بيديكن ياريت مع ا نحكو في الموضوع هذا مره ثانيه وخش اصيل اما هنا قعدن يعزقن في نضرات لبعضهن ومعش عرفن شن يقولن(عليك لمهزبات خلاص مثقل دمكن حاطات راسهن من راس بنت نص عمرهن العوانز😭😒)

تعشو وروحن البنات ومير قعمزت هي واستبرق برا في الجنان  يهدرزو
واصيل وقيس خشو يلعبو في بلايستيشن في دار قيس

استبرق :ندير نسكافي ونحيب شكلاطات وشبس نكسدو عليهن
مير:باهي كان مزال جوها شين من مبدري
خشت استبرق على طلعت اصيل تلفونه يرن
استبرق:مزال جوها شين
اصيل بيحكي جا وراه قيس
قيس:توا نغيره لها انا جوها ضحكت استبرق وخشت تجيب في الحاجات واصيل رد علي تلفونها وعيونه علي مير

قيس :ي هلا ومرحب ب مرات خويا الصقع
ضحكت مير وقعمز قيس تلاها :شن حوك
مير:كويسه وانت منبيش نسال واضح جوك حلو
قيس:انا عارفك شن حاسدتيني ع جوي
مير:لا مش حاسدتك
قيس:شن جوه اصيل معاك اسمعي عارفه ما يفهمش في البنات واجد اي شي يديره تعالي احكيلي انا نعرف نادبه انا
مير ضحكت:لا ميديرلي في شي بلعكس
قيس:امم مهما كان متثقيش في الرجاله اهو نقولك فيها
ضحكت مير:وانت شنو
قيس:م لاني منهم انا عارفهم غير خليني نقولك مره شن صار معايا وانا في بلجيكا
حطت مير يدها ع خدها تسمع في قيس يحكيلها في مغامراته وهو مسافر