Mir | ميـر

Part 17

صلوا على سيدنا محمد
البارت السابع عشر

مد عماد الشكلاطه بعد فتحها لها وهي بتسمتله وشكراته وبدت تاكل فيها بهدوء وهو يراقب فيها بهدوء كذلك

عماد:يا اما انتي تغيرتي ي اما الناس واخذين عندك فكره غلط او كانو بس يشوهو في سمعتك
بحتت فيه ميس مستغربه من الي قاله فجاءه بدون مقدمات
عماد:اول مره شفتك وسمعتهم يحكو عليك قالو انك مغروره شايفه روحك ما تحكيش مع حد وانك مش كويسه وهكي كلام
ميس:شن الي خلاك تحكي معايا مدامك سمعت كلام كيف هكي عليا
عماد:كان تذكري انتي الي حكيتي معايا
ميس:لا لو درست مكانك مش معناها انا نوددتلك وحكيت معاك
ضحك عماد:ممكن شويه من كلامهم صح (كان يقعد ع انها مغروره)
ميس:باهي شن الي خلاك تحكيلي هكي توا؟
عماد:من اول يوم حكيت معاك وانا نفكر ليش سمعت عليه هكي لان كل مره تقولي شي او تتصرفي تصرف يخليني نفكر ليش يحكو عليك هكي وانتي العكس تماما
ميس:مرات انت بس نديرلك هكي
عماد بحت فيها : حاله خاصه
ميس:استثناء
عماد:يعني الي يحكو فيه صح
ميس:يحبو الدراما ويزيدو بهارات انا نراهن ان الي سمعته من شباب رفضتهم او من بنات غيرانات
ضحك عماد وهكي تاكد من كلامها انهم يزيدو في بهارات ع قولتها لانها فعلا مغروره وشايفه روحها او ممكن يكون هو استثناء زي ما قالت..

..............

وعت مير وملقتش اصيل تلاها كالعاده قاعد في شغله
دارت روتينها وفطرت وهذي المره حبت مير انها تفاجئ اصيل وديرله غدا

فتحت النت وقعدت تشوف في وصفات وتختار في الاسهل علشانها معمرهش دارت شي بروحها
لقت طريقه كيف ادير صدور دجاج ستيك ورز وصوص البطاطا المهروسه وقررت اديره

عدت غيرت دبشها ولمت شعرها فوق وبعدين رنت ع اصيل تشوفه قبل ما تبدا وتحوس ومعش تفضى

مير:قود مورنينق
اصيل:حبيبتي الساعه اثنين وين المورنينق بزبط
مير:حتنى من بدري واعيه بس مقلتهش لك اليوم ف قلتها توا
اصيل ضحك :باهي كنك رانه شن درتي
مير بنبره زعل :مدرت شي نطمن بس
اصيل : انا حاس انك بديري حاجه بدون زعل
مير:باهي ي اصيل الحق عليا وسكرت عليه

مير:خزي وانا الي نبي نوكله وكال كويس خزي الحقير

بدت ودارت الرز وبعدين حطت الدجاجه بعد تبلتها وقصتها في القلايه الهوائيه وبعدين دارت البطاطا الي كانت غاليتها في مية وهرستها وحطت البهارات ودارت السلاطه ووت السفره وكل شي كان ع النار ومفي شي خرب منها من الفرحه قريب رنت ع الي تعرفهم كلهم تقولها لهم ركبت دارت حمام وغيرت دبشها وبعدين عدت تلعب مع ريكو في الجنان علي ما جا اصيل