Mir | ميـر

Part 11

صلو على سيدنا محمد
البارت الحادي عشر

صهيب :اصيل نقولك شي بس مديرش حسس ولا مشاكل منه
اصيل :كنك شن في
صهيب :نقولك لان منقدرش ندس عليك لكن مش دير طروح
اصيل: تي احكي يارا شغلتني
صهيب : هذي نفس البنت الي حكيتلك عليها زمان
اصيل :اي بنت
صهيب:ال تقدمتلها كذا مره وكانو يرفضو
اصيل:صهيب فكينا من البصاره البارده
صهيب:تي توا حاجه كبف هذي فيها بصاره
اصيل:اكيد ملخبط مش هي
صهيب:لا متاكد مستحيل ننـ...وسكت مش قدام صاحبه في النهايه الي يحكو عليها مراته

تعالو نفهمكم القصه مير كانت تقرا مع اخته في نفس المدرسه شافها مره لما كان يروح باخته دز اخته لها يبي يحكي معاها بس هي مبتش وذزلها اخته اكثر من مره ونفس الشي قعد يشوف فيها كل ما يبي يروح باخته لعند ما قرر يتقدملها قال بلكي متحبش نظام تحكي ودير علاقه وفعلا تقدملها اكثر من مره وكل مره ترفض لعند فقد الامل واخته كملت مدرسه ومعش شافها ولا عرف اخبارها والكلام هذا قبل سنه ومعاها

اصيل:باهي ..ااء ..هني..وزفر(مش مصدق روحه يحكي هكي) حكيتو انتم
صهيب:تي كنك ناسي انت البنت معطتنيش مجال بكل لا حكيت معاها ولا تعرفني اصلا
اصيل:متاكد متقولش هكي علشان صحبتنا احكي الي عندك
صهيب:يارا اصيل عليش نبي نكذب انت الي تذكر كنت نقولك في كل شي وقتها
اصيل حرك السياره ومعش حكى معاه بعدها بكل

في الليل ع الساعه اطناش

خش اصيل للفيلا وهو تعبان بكل من التفكير بعد ما حكى مع صهيب حطه في حوشه وعدا للشركه هلك روحه بالشغل ..ان صاحبه ورفيق عمره كان يبي مراته قبل ما يجوزها مقدرش يستوعبها الفكره هذي

نزلت مير من فوق بسرعه
مير:اصيل وين كنت خفت تكون اختفيت كيف هذك اليوم
اصيل بحت في عيونها يبي يرد عليها وهي ملهش دخل في القصه بس مزال مش قادر يسترعب انه صاحبه كان يفكر فيها قبله وان الي قدامه كانت في افكاره من قبل
شافت مير كيف عيونه حمر:اصيل انت كويس؟
اصيل تخطاها وخش للحمام اما هي وجعتها لقطته بس ركبت للدار تشوف كنه حست انه مش فوعيه ودار اللقطه هذي لانه مش ف وعيه

طلع اصيل من الحمام بعد دار دوش مصقع علشان يصحصح شويه
لفت مير وجها بعد شافاته طالع ومش لابس شي من فوق
ابتسم اصيل على لقطتها وجت تبي تطلع كر يدها وجابها قدامه وهر مقعمز ع السرير
مير :انت كويس ؟
هز اصيل راسه ب لا
مير تعقدت ملامحها لانها زعلت عليه:عليش خيرك؟
اصيل سكت شويه بعدين حكى بصوت واطي:تعبت بكل اليوم مخاطريش نحكي ..سكت شويه بعدين قال...عادي بس نرقدو توا
مير هزت راسها رقد وهي رقدت ع صدره مضبطها وقعد يمشي في يده ع شعرها لعند رقدت هي وهو مقدرش فكر لو رقدت جنبه ح ينسى بس منسش لا هي ذنبها ولا صهيب ذنبه ولا ذنبه هو بس مزال مش قادر يتقبل

وعت ثاني يوم لقاته يبحت فيها ويلعب باصابعه ع شعرها و واضح من شكله مرقدش
مير:مرقدتش صح
اصيل هز راسه ب لا
مير:احكيلي كنك
اصيل مكانش يبي يحكيلها بس فكر بعد يحكيلها ممكن ممكن ينسى او يتخطى : صاحبي الي عرفتك عليه امس ..تعرفيه شفتيه من قبل؟
هزت راسها ب لا وهي مستغربه
تنهد :امس بعد عرفتك ع صاحبي قالي انه  كان يبيك قبل ... و خطبك يعني كذا مره بس انتي رفضتيه
مير بعد سمعت كلامه صبت اتكت ع ايديها : اصيل انا منعـ...قطع عليها
اصيل حط يده ع خدها:نعرف كان يحكيلي عليك قبل وحكالي انك معطيتيش فرصه بكل
مير:اصيل ..
اصيل :اشش..تعرفي شن نذكر كان يقول عليك
مير:مفش داعي تقولي
اصيل:نذكر اول يوم شافك تلاقينا في كافي قال شفت حب حياتي وضحك قالي معنريش صدقت بالحب من النظره الاولى الا لما عشته
مير هزت راسها ب لا مكانتش تبيه يكمل:اصيـ....
اصيل:قالي دز اخته ثاني يوم طول لانه مش قادر يصبر مرقدش يومها من الحماس عدا لاخته نهاية الدوام فرحان بس اخته قالت ان البنت متبيش كسرتي بخاطره وجعني صاحبي يومها ..ضحك وكمل .. سبيت يومها البنت الي رفضت صاحبي...من تسحاب روحها قلت
مير عيونها دمعو
اصيل رفع يديه لخدودها:متبكيش انتي مش شورك
اصيل :تعرفي دز اخته مره ثانيه وثالثه لعند قتله انا ان ممكن البنت متحبش حو علاقات بلكي خوتها صعبين عدي لهلها طول وفعلا دار هكي لبس وطرح وعدا لباتك بس رفضه لانك كنتي تقري قتله متستسلمش وعدا ثنين وثلاثه ودز حتى امه بس البنت معنده متبيش ..بحت فعيونها.. تخايلي وافقتي
مير هزت راسها ب لا (ما عندها ما دير اساسا مسكينه🥲)
اصيل:اكتئب وعطل فتره ع الشغل وسبيت الحب الي خلاه هكي بس بعدين رد بس لتوا مع انه اكبر مني بسنه مزال مفش بنت خلاته يبيها كيف لما شافك .. ضحك .. من لما شافك
مير:اصيل اسكت
اصيل ضحك:والله الي يضحك في الموضوع ان انا من بعد الي صار معاه ..انا اصلا من قبل ما يصير معاه هكي ومسكر ع البنات مكانش في بالي اني نحب وندير جو مراهقين امي دورلي وكل مره جايبتلي وحده تبيني نتجوزها .. من بعد قصته قلت بلكي تطلع قدامي حتى انا البنت الي تعجبني بس تخايلي متقبلنيش كيفه ..سافرت وامي رنت قالت خلاص خطبتلك وما عندك ما تقول قلت كان كويسه تمام كان مش كويسه شهرين ونطلقها ...ضحك..انتي شكلك ساحرتينا لان حتى انا من اول مره نشوفك فيها عرفت انه حتى لو مكنتيش مراتي وشفتك في مكان برا كنت ح نخلي امي تعديلك بلا كثرة كلام
اصيل:ياريت شفتك قبل امي تخطبك ..كان هذا را ماتزوجنش بالطريقه هذي
مير:لو شفتني قبل امك را مش متزوجين اصلا نحن توا
اصيل :عليش
مير: نفس السبب الي خلاني نقولك اول مره نعدو مطعم عليش مغصوبه
اصيل:عليش مغصوبه هلك متفهمين
مير:سبب...تافه
اصيل:شنو باهي
مير ابتسمت:توا شي يوم نقولك
اصيل ابتسم وباسها ع راسها ولحظه صمت صارت قطعتها مير
مير:تحبني؟
اصيل ابتسم:شرايك انتي
مير هزت راسها ب لا :تسيب فيا بروحي ديما
اصيل صبا رافع حاجبه اتكى ع خلفية السرير:هذا الي طلع معاك
مير ضحكت وقربت منه:نبصر عليك
اصيل :مبردك مش وقتها بكل
مير:تؤ كان لازم نغير جوك
اصيل :تعرفي كيف تغيريلي جوي
مير: كيف
اصيل كرها من خصرها خلاها تقعمز فوقه وباسها ع فمها
مير:عيب معش ديرها
اصيل صحك من جده:ندير فيك لبنديره عنجد عيب ما صبرت الا واجد