Mir | ميـر

Part3

صلوا على سيدنا محمد عليه افضل الصلاه والسلام
~~~~~~~~~~~
البارت الثالث

وصلنا التونس بعد ساعه وقعدنا في المطار لان طيارتنا لباريس في نفس اليوم ركبنا الطياره بعدها بساعتين وساعتين ونص كنا على اراضي فرنسا تحديداً باريس

كنت متحمسه بكل الي كنت نعيش فيه واحد من احلامي وكان قاعد يتحقق مقدرتش نصبر نعدو للفندق ونحطو حاجتنا كنت نبي نعدي للاماكن الي نبيهن وعلى راسهم برج ايفل

عدينا لفندق يطل ع برج ايفل بس من بعيد شوي يعني مش اول شي تشوفه لما تطلع من البلكون البرج تشوفه تمام بس بعيد بس حتى وهو بعيد منظره يجنن

كانت الساعه خمسه ونص بترقيت ليبيا واربعه ونص بتوقيت فرنسا

كان الجو مسقع بكل مع انه خريف ونحن مش متعودين هكي في الخريف خريف ليبيا مزالت شمس نحن حتى في شتانا مش هاربين منها الشمس بس في باريس صقع بكل وهذا كله وخريف يعني مزلنا ما شفنا شي

كنت نعسانه بكل وخاطري نطيح نرقد لثاني يوم بس من حماسي مقدرتش نرقد

اصيل:ارقدي قاعدين اسبوعين توا تلحقي تلفي فيها كلها لعند تملي
مير:من جدك مستحيل نمل
اصيل:باهي الي هو لمهم ارقدي لاني نبي نرقد ومش ح نخليك تطلعي بروحك
مير كانت مصبيه ع باب البلكون تتفرج ع الشوارع وهو كان يلم في الجوازات والشحن والاوراق يحط فيهن في الدرج
قربت مير:بليز نعدو توا للبرج شويه بعدين نروحو نرقدو
اصيل:انا نبي نرقد مش شوري واعيين من الفجر وسفر واكثر من رحله في يوم كنك انتي متحسيش
مير:حتى انا نعسانه بس مش ح نقدر نرقد شن رايك بس نعدو نمشو جنبه
اصيل:توا مزال صبح ارقدي توا ووعد لما توعي بعدين في الليل نعدوله اصلا شكله ليل احلى
مير:صح بس
اصيل طفا الضي وهي تحكي وكر البطانيه
مير:باهي لحظه بنرقدو ع نفس السرير
اصيل حول البطانيه من عليه وعطاها نظره
مير:خيرك هكي تشبحلي نحكي جد اني
اصيل حول البطانيه من عليه بكل وصبا مستغرب
مير خافت :باهي خلاص وفتحت شنطتها كرت بجامتها وخشت للحمام بدلت وطلعت لقاته راقد قربت بشويه حولت البطانيه بشويه وخشت رقدت على الحافه متبيش تلصق فيه كرت تلفونها فتحاته بس مكانش لا في نت ولا عندها شفره ف طفاته ورقدت

الساعه ثمانيه ونص الليل في باريس

وعى اصيل وشافها كيف راقده الي يشوفها يقول لها يومين مش راقده ومش باين انها ح تنوض توا
اصيل:نعدو في الليل لبرج ايفل قالك

كر تلفونه وجاكته وطلع وسيبها

ناضت بعده بنص ساعه واول شي داراته اول ما فتحت عيونها كرت التلفون تشوف الساعه كم خافت تكون نص الليل بس لقتها تسعه فرحت صبت تجري صلت ولبست وقعدت اتلف ادور فيه ملقتش