Mir | ميـر

The End |2|

صلو على سيدنا محمد عليه افضل الصلاه والسلام
*الجزء الثاني من البارت الاخير*

مير بصوتها المبحوح لانها مش حاكيه من ايام ومن البكا كذلك:كنت مسافر تصيع وتطلع مع بنات وانا حابسني هن....علشان تاخذ راحتك غادي بدون ما حد يدخل فيك ولا تفكر فيا انا شن ح نقول ولا ندير ..هذا هو الشغل الي تسافر من دوله لدوله عشانه عارفينه هلك الشغل هذا...ربي رازقك وانت في هذين تضيع في فلوسك ...قولي صح ..صح؟!
دفاته ع اخر كلمه قالها من صدره خلاته رد لاوره وهي تحاول تحبس دموعها ونجحت
اصيل مفكرش ولا ثانيه ورد على طول :صح
نصدمت مير توقعاته يبرر يقوللها انتي فاهمه غلط كانت تتمنى انه يقوللها انتي فاهمه غلط فوتوشوب و نحبك ويهديها ويهدي عقلها الي مش مخليها تتريح من ايام بس كسر كل امانيها لما كمل
اصيل:صح هذا شغلي ومحدش يعرف ومحد ح يعرف عاجبك باهي مش عاجبك مليش علاقه
هنا مير مقدرتش تتحكم في دموعها وملامح الصدمه ع وجها وكل اللحظات بينهم يجو قدام عيونها ومقدرتش تمنع نفسها من السؤال :والي كان بينا كل الشهور الي فاتو كل الكلام واللحظات الي عشناهم
قطع عليها اصيل وكانه ما صدق سالت:ضحكت عليك..ضحكت عليك علشان نوصل للي نبيه ووصلتله
مير قعدت مصبيه متصنمه قدامه مش مصدقه متوقعتش السيناريو هذا بكل في الليالي الي فاتو واللي عقلها مخلانش ترقد فيهن تفكر في تبريرات اصيل لما يجي عالي شافاته بس هو صدمها

قعدو دقيقه كامله يبحتو في عيون بعضهم هي تعاتب فيه في نظراتها وهو ولا شي غير البرود ولا نوع من انواع المشاعر باينين في عيونه هي اول من قطع تواصلهم البصري وركبت للدار وهو تبعها بعيونها واول ما سمع صوت الباب يسكر كرعيه شالوه للكنبه وقعمز عليها وكانه كرعيه معش قدرو يشيلوه

شن الي وصللها وكيف وصلولها مدامهم وصلولها شخصيها وصوروها له مفيهش مشكله بنسبه لهم في انهم يوصلوا لرقمها او حسابتها قعد اصيل مقعمز ساعه يفكر في الصاله على الكنبه وبعدين طلع ركب سيارته وعدا لصهيب

اول ما ركبت مير رنت ع جنين وحكلتها كل شي كل شي صار من اول يوم لليوم هذا تحكيلها ليش كانت رافضه من الاول الحب وتحكيلها انه صار الي خايفه منه صار الي مكانتش متوقعته بكل حاولت جنين تهديها وتواسيها بس مير مبطلتش تبكي بكل

اما اصيل محكى شي من اول ما وصل كملها كلها مقعمز ساكت يبحت في الارض يفكر لعند جا ليل ورقذ معاه وهنا استغرب صهيب لان اصيل محكالش شي حتى لما وصلوه صورها وهو جنبه في السياره

ثاني يوم اول ما وعت مير رنت ع مجد وجا خذاها مسيبه دبشها وسيارتها وكل شي
طول الطريق مجد يسال بس مردتش عليه
اول ما وصلت خشت رقدت بعد بكت والي في الحوش شهدو عليها والي في الحوش قصدي مجد وميس من غيرهم