Mir | ميـر

|| The End ||

صلوا على سيدنا محمد
البارت الاخير

ثاني يوم وعى اصيل الفجر ووعت معاه مير مع انه مكانش يبي يوعيها بس وعت معاه دارتله قهوه وخذا شنطته وعدا وهي ردت رقدت

عدو يومين مافيهمش جديد

ميس واسيلا يطلعو مع مجد يشرو في حاجات يحتاجوهم ودبش وهكي للسفر وفايتات امتحاناتهن النهائيه الي ع الابواب

ميس قاعده تجرب في قاعده اخترعتها جديد لان حست ان عماد يبيها وهي كذلك مع انها في البدايه بس كانت تبي تطيحه بس تغيرت الخطه بس رغم ان هما الاثنين يبو بعض وواضح الشي هذا لكن عماد مدارش اي لقطه او قدم خطوه شور شي ثاني غير صداقه وميس مكانش عاجبها الجو هذا ف لها اسبوع فايته ترد عليه مره كل يومين تقوله اصلا نقرا امتحانات وهي تنزل في الستوري مجد يمتع بيهم في السياره وهو يشوف وعارفها كذابه وهي مش هامها وعارفه انه يعرف بس تبي توريه ان ي ادير خطوه ي ح نعدي

اسيلا حالها كيف ما هو معتصم ستل ميندريش عليها مع انهم تلاقوا معاه مرتين في كافي في طلعاتهم لكن غير نظرات ما في شي ثاني منه

..........................

اول يوم بعد سافر اصيل وعت مير وكلمت جنين تجي تتغدا معاها وقعدت معاها لعند الساعه اطناش
ثاني يوم نفس الشي مير دزت مسج لاصيل وعدتلها هي بسيارتها وقعدت عندها للحداش
ثالث يوم قررن انهن يطلعن لكافي ونفس الشي دزت مسج لاصيل وطلعت بسيارتها خذتها وعدن لكافي قعدن فيه العشيه وتعشو غادي

روحت مير تعبانه لان في الثلاث ايام الي فاتو مرقدتش كويس كان عندها ارق وكانت حاسه روحها بتمرض ولانها مكانتش متعوده تقعد بروحها بكل ف قعدتها بروحها وشعورها بانها بروحها مكانش مساعد نفسيتها في انها تكون احسن

دارت حمام وطلعت تحس في روحها فاشله تبي ترقد واخيرا ح تحط راسها ع المخده وترقد على طول
لكن تلفونها الي رن باسم اصيل خلاها تصحصح
مكلمهش من يوم سافر مسعتش صوته ثلاث ايام وكانن واجد طول الثلاث ايام كانت تلهي في روحها من بداية اليوم لنهايته علشان متفكرش فيه ولا ترن عليه وتشغله عن شغله علشان يروح بدري
كانو بس يحكو مسجات اخر الليل شويه ويرقد لانه تعبان من الشغل اما هي ف ميجيهش نوم

طار النوم من عيونها بفرحه مسكت تلفونها تفتح في الخط على مكالمة اصيل

اصيل يعيط:انا مش قلت متطلعيش وانا مسافر انا مش قلت لما نجي توا نعوضك انا كلامي ميمشيش ليش كل شي تبيه نديرلك فيه جت ع هل كم يوم ديما قاعده في هالحوش جت ع هالايام الي مسافر فيهم مش قادره تمسكي روحك هالكم يوم
انصدمت مير من علو صوته وكيف يحكي
مير معمرهش شافت اصيل معصب الا مرتين او ثلاثه من لما تزوجو من ثمان شهور يعني كان نادر يعصب
لكن عياطه وعصبيته بالطريقه هذي اول مره تشوفها
مير :ا انا كيف
اصيل:شنو الي كيف ..كنك على الاقل ما قلتيلي انك طالعه يا هانم انا غلطان الي درتلك سياره اصلا انا ...
مير قطعت عليه :بس انا قتلك
اصيل:قلتيلي في سرك وين قلتيلي ي هانم طالعه ع حل شعرك انتي وصاحبتك انا قلت متطلعيش وطلعتي قلت ما عليش يا اصيل اكيد مكسده بروحها خليها خليتك يوم خليتيني نندم باهي قولي انك طالعه منقولكش لا انا امتى عمري قتلك لا
مير:بس انا قتلك اصيل انت شن تقول
اصيل:ما اصلا نحكي هندي انا ..شن الي مفهمتيش  شن طلعك انتي اليوم
مير تبكي: كساد ي اصيل وجنين انت تعرفها بعدين عدينا لكافي صاحب مجد وديما نعدوله وانت تعرفه
اصيل زاد عصب لما سمعها تبكي :انا معنديش مشكله مع من طلعتلي ولا لوين ليش ما قلتي بلكي صارتلك حاجه وانا منندريش انت مقلتيليش ها من بيقولي
مير تحاول متبينش انها تبكي ؛ شن يبي يصيرلي يعني ي اصيل بعدين انا قتلك كنك انت
اصيل:كني انا؟ لا معاك حق كني انا عليش جاي ندور في مراتي وين طلعت من ورايا وكان نخطفت ولا ذارت حادث مش ح نندري لانها مقالتليش ومش ح نلحق نروح لاني في النص الثاني من الكوره الارضيه
مير : بس انا قتلك
اصيل:وين قلتيلييي ويننن
مير:دزيتلك مسج ي اصيل
اصيل:موصلني شي كان وصلني بنرن عليك يعني
مير:كيف عرفت باهي
اصيل:عرفت كيف ما عرفت مش مهم توا يومين ومروح ي مير خليك في الحوش لا جنين لا خالتي بطيخ
سكر عليها بدون ما يسمع ردها وفتحت طول مير الشات بتاعهم ع الوتس لقت انها المسج الي دزاته معدش قعدت تندب ساعتين في مكانها بعدين سكرنت الشاشه ودزتها له ترويه انها قالتله بس معدش المسج لسوء حظها
شاف اصيل المسج بس مردش