Mir | ميـر

Part 2

صلوا على سيدنا محمد عليه افضل الصلاه والسلام
~~~~~~~~~~~~~
البارت الثاني

مصبيه قدام المرايا نشوف لروحي بالميكب الثقيل والطرحه فوق راسي والفيلو الي لابسته وبنين ورايا عيونها دموع تشوفلي بس انا ما بكيتش بكل مش عارفه ليش بس مفش مشاعر مش حاسه بشي هذا طبيعي ولا شن انا مش عارفه

خشت ماما حكت مع بنين شويه بعدين قربت مني وبنين طلعت
كنا قاعدين في دار العروسه اصلا العرس درناه في فيلة هله لان ما شاء الله الصحيح نقولو قصر مش فيلا الصاله او الجلسه بتاع فيلتهم تقول قاعه افراح ف قررو يديروه عندهم اما انا ف كنت في دار فوق لبست ومكيجت كل شي درته فوق قربت مني ماما وعيونها دموع
ماما:متزعليش مني حبيبتي انتي عارفه نبي مصلحتك
مقدرتش نقول شي انا زعلانه صح من كل شي داروه بس مش قادره نقعد زعلانه منها للابد يعني هذي ماما في النهايه
مير:مش زعلانه
ماما:مش مصدقه انك عروسه بنتي الي قبل يومين كانت بيبي مزالت
مير دمعوا عيوني واخيرا وابتسمت :خلاص ماما محافظه ع الميكب من بدري متفسديش ليا توا
ماما: لا خلاص خلاص انا جايه نقولك بس انه جاي بتطلعوا مع بعضكم
أستغربت مش ع اساس ميبيش يحضر اساسا شن جاي يدير يارا توا
ماما:هي انا نطلع توا
جيت نبي نكرها نبي نقوللها لا قوليله لا لكنها طلعت فتحت الباب ضحكت وسلمت ع حد انا مشفتش بس شكله هو قلبي قعد يدق اكيد وانا نبي نشوف الي يقولوله راجلي ع اساس لاول مره لا نعرفه ولا نعرف شكله ولا عمري حكيت معاه كيف نبي نتقبله انا مش عارفه صراحه على اثر اني كارهه فكرة الزواج وزرجوني بالغصب ع اثر الجو الي داره هو خلاني نكرهه زياده هو الزواج الاغبر الي فرحانين بيه

خش كان لابس بدله سوده اسود في اسود كلها البدله وجهه صح كان حلو حنطي وشعره قهوي كثيف متعبش روحه حتى يرتبه او يديره ع الجنب مخليه حايس بس كان حلو لازم نعترف بالشي هذا لحيته خفيفه بكل وكويس الشي هذا صراحه منحبش الي عندهم لحيه بكل نحس فيها شينه انا هكي نشوف وسبحان الله طحت فيه شن الاشاره من الشي هذا ي ربي حواجبه كثيفه انا مش نقوللكم مستغربه لان حرفيا مواصفات رجل احلامي بذات الحواجب الكثيفه شن الاشاره من هذا كله بنموت ووك لمهم وطويل واضح فيه من بعيد ومش رقيق بكل الحمد لله شكله معضل مش باين صح او لا من البذله بس واضح من بعيد انه عريض مش رقيق واكثر شي لفت نظري عيونه عسليه صفره خضره مش عارفه لونها غريب بس حلوه بكل هذا كله وهو بعيد مكنتش نشوف فيه بوضوح بس هوا كان مستك كيف الي تايه مش مركز صافن فيا مفهمتش ليش نظرته كانت غريبه كانه مش متوقعني مستغربني انا مش عارفه شن قالوله عليا بالزبط بيش يستغربني

اصيل:
مكنتش نبي نحضر هالزيطه الي دايرنها من الاساس انا قاعد برا وناس تهدرز واغاني والعاب ناريه وهذا يبارك وهذا يخرف صدعت والله صدعت امتى تنتهي هالليله بس الناس كلها تراجي في اليوم وتحلم بيه بشن يحلمو بالزبط عايش يراحو فيه بلكي زعما علشان ياخذو في الي يبوها المهم عاد مش همي انا كلمتني امي قلتي تعال خش بحتت في الساعه كانت ثمانيه نخش من توا عليش والعروس نفسها مزالت ما خشت في الوقت هذا بعدين فهمت ان تبيني نخش معاها عليش توا الطروح هذين
خشيت من الباب الخلفي ركبت ع فوق طول لقيت امي شيرتلي ع الدار قربت بنخش نفنح الباب وطلعت وليه سلمت وباركت عرفت انها امها سيبتني وخشيت عاد بعدها انا لقيتها
كنها مش لابسه فيلو كبير كيف كل البنات بعني هذي حاجه طبيعيه نشوف فيها تقريبا كل بنت تحلم تلبس فسلو اكبر من القاعه نفسها خذي لابسه قفطان طويل ابيض يعني تحسه مش فيلو بس هي باينه فيه عروسه فهمتوني كيف تحسون قفطان بسيط في حق عروسه بس هي ببساطه باينه انها عروسه
لفتلي وقعدت تبحت فيا بدون ملامح تعبر عن اي شي انا متوقعتش بكل
يعني البنت اقل شي نقوله عليها سمحه شعرها اشقر مش اشقر اشقر داكن مش عارف كيف نوصفه وبيضه مش البياضه المزعجه لا بيضه حلوه نقشها صغير كله هي اصلا بينه صغيره انا صراحه لا سألت ع عمرها ولا ع اسمها اسمها سمعته بالصدفه خواتي كانن يحكن بس نسيته الحق شن كان اسمها ازف كيف نسيته
لمهم احلى شي يارا لفت نظري بكل عيونها كانن سود او قهوي داكن لا معروفه مفيش حد عينه سوده بس عيونها باينين سود هذا كله وانا نشوف فيها من بعدين
انا مكنتش متخيل انها ح تكون هكي يعني جتني امي تقولي طلبتلك بنت سمحه امي كل ما توريني بنت ع اساس برايها سمحه وتكون مش حلوه بس هاذي حلوه
لمهم طولت انا نحكي عليها عنجد حكيت عليها واجد انسو شن قلت مش انا نشكر بنت مهما من كانت تكون