صلو على سيدنا محمد
البارت الثاني عشر
جرى لنهايه الممر وخش لدار طول وفات مجد الي كان يعيط وراه
اول ما تلاقت عيونه في عيونها قلبت هي وحها للجهه الاخرى وشاف هو كيف وجها اصفر وتعبان وجعه قلبه عليها وقرب منها مسك يدها كرتها
اصيل:مير
مير مبتش ترد
اصيل:اسف
مير لفت وجها وبحتت فيه :طلقني
اصيل عصب : قتلك طلاق مفيش ومعش تجيبي سيرته مره ثانيه
بكت مير وخش مجد لما شافها تبكي قرب بسرعه
مجد:مير كنك شن دارلك
مير:نبي نروح
مجد؛باهي هيا ونادا ع الممرضه تفك التغذيه
قرب اصيل يبي يصبيها فكت يدها منه ومسكت في مجد
اصيل:منكش مروحه معاه
مجد:انت مش شورك كانك معاها من البدايه را موصلتش لهنا
اصيل:اطلع منه الموضوع توا نتفاهم معاها
مجد: تتفاهم معاها شنو بتروح معايا لعند نفهم منها الموضوع كويس
اصيل:ما عندك ما تفهم وشال مير بين يديه وطلع بيها وهي تعارض
حطها في الدار وغطاها وطلع لانها رقدت ع طول من التعب
رن تلفونه وكانت امه تسال عليها وعلى هلها وتبي تجيها او تمشيلهن لكن فهمها اصيل ان الامور ملخبطه مزالت ومش ح تقدر
عدو يومين كئيبات
مجد وميس جو وقعدو مع اختهم باتهم سافر ل السويد بحجه ان عنده شغل وامهم خلاص استقرت عن هلها وهما معش عدولها مره ثانيه
مجد: اول ما تكمل السنه هذي نسافر بيها وتقرا باقي الثانوي وجامعتها برا وانا نبي نحضر
مير:وانا ح تسيبوني هنا بروحي
ميس:قوليله تجو تسكنو غادي حتى انتو
مير:مش عارفه توا نقوله ..وانت توا بتضيع عليه السنه هذي مفروض تتخرج خلاص
مجد:عادي كان تأخرت سنه وبعدين هنا سمسترين بس عادي
جت جنين الليل وباتت هي وميس
ثاني يوم وصل اصيل ميس للمدرسه وهي جايه هنا بالغصب من ورا مير وجنين مكانتش بتجي جوها شين ومعندهش جو لحد
خشت وهي مش دايره ميكب ولا مهتمه بلبسها ولا ضحكتها جايبه من اخر الدنيا كلهم انتبهوا ان فيها شي مش طبيعي ..حضرت اول وثاني حصه ويعدها معش قدرت طلعت وخشت للملعب لان المكان الوحيد الفاضي في اول الحصص
قعمزت في وسط المدرجات ومسكت تلفونها تتفرج ع الصور والفيدس لهم زمان في سفراتهم وطلعاتهم كانو عيله منسجمه وهاديه بكل كلهم يحبو بعض ومتفاهمين وعايشين اليوم بيومه باتهم ما عمره نقص عليهم شي وديما في ظهرهم وامهم ديما مهتمه بيهم وتشجع فيهم كيف صار وفي يوم خرب كل شي ..ما مسكتش دموعها وخلتهم ينزلوا على خدودها سكرت التلفون وحضنت رجليها
خش عماد وشافها من بعيد
لها يومين متجيش للمدرسه سأل عليها صحباتها وقالوله انها متردش على تلفونها وميعرفنش شن صاير معاها من بعد اخر مره كملها غير يفكر فيها واليوم بعد عرف انها جت مقدرش يركز في ولا كلمه قاللها الاستاذ بس يفكر فيها طلع لكلاسها بعد الحصه الثانيه يبي يحكي معاها قبل ما تبدا الحصه الثالثه بس قالوله انها طلعت وقلب عليها المدرسه لعند لقاها واخيرا
أنت تقرأ
Mir | ميـر
Roman d'amour"انا كنت عارف ان حل القصه كان لازم باني نضحي بس مش بيها هي" "انا نحبك بالافعال مش بالاقوال" ~~~~~~~~~~ مير بعد سمعت كلامه صبت اتكت ع ايديها : اصيل انا منعـ...قطع عليها اصيل حط يده ع خدها:نعرف كان يحكيلي عليك قبل وحكالي انك معطيتيش فرصه بكل مير:اصيل...
