Mir | ميـر

Part 10

صلو على سيدنا محمد
البارت العاشر

جت الساعه عشره ونص وهو مزال ما جا بس من كثر التفكير راسها وجعها ومقدرتش ترقد رنت ع ميس
مير:ميس اسالي ماما شن العشبه الي من قبل قالت انه مخدره وترقد
ميس:مااماا شن العشبه الي ترقد هذي
امها:جوز الطيب؟
ميس:جوز الطيب
مير:تم وسكرت
امها:قوليلعا شويه بكل تحط متكثرش مش كويس
ميس:سكرت مش رانه برصيدي

(جوز الطيب عشبه طبيه تخدر وتنوم ومتستعملش الا لغرض طبي وباستشارة دكتور وكميات كبيره منها قد تؤدي لوفاة)

صبت سخنت حليب وحطت كشيك صغير جوز طيب وقمزت في الصاله وشرباته مره وحده
حست روحها سخنت فتحت اول بطمتين من البجامه وتكت راسها لانه حساته ثقيل عرفاته مفعول العشبه وغمضت عيونها

ع الحداش ونص جا اصيل واخيرا وهو ميشوفش في شي قدامه غير السرير

خش لقى مير مقعمزه ع الكنبه يسحابها تراحي فيه اول ما قرب عليها فطن انها راقده وجها احمر
اصيل:نسيبك شويه تمرضي انتي ...مير ميير
فتحت عيونها بصعوبه جفونها كانو ثقال وجسمها كذلك من تاثير العشبه :اصيل؟؟
اصيل؛اها صبي معايا عليش قاعذه هنا
صبت بس فقدت توازنها ومسكها قبل ما طيح ع الارض شالها بين يديه وجسمها حرفيا كان والع فيه النار قعمزها ع السرير بيفهم كيف مرضت بس ما ردتش عليه واصلا ما ثبتتش لما قعمزها ردت رقدت ع السرير وهو خاف هذي شن دايره في روحها
اصيل:مير افتحي عيونك ترا تسمعي فيا
مير:اصيل تعبانه بنرقد
اصيل:توا ترقدي بحتي فيا بس
مير:مش قادره نفتحهن
اصيل:استغفر الله شن درتي باهي كنك
نزل اصيل تأكد من المكيفات وبعدين شاف الكبايه الي ع الطاوله شمها وكانت حليب عادي خش المطبخ حط الكبايه في الحوض بعدين فطن ل فازو جوز الطيب المفتوح
اصيل:استغفر الله شن قربك له

ركبلها وشالها حطها في الحوض ولع عليها الميه
مير:اصيييل بنرقد قلت وقعدت تبكي
اصيل:توا عليش تبكي بنفهم
مير:مش صح ندير دوش بدبشي
اصيل:توا هذا عليش تبكي يعني
مير:بنرقد
اصيل:عليك قصه فتح باقي بطم بجامتها وحولها لها وكانت لابسه داخلي اسود كان عاكس عليها بكل حول عيونه و صباها ولفها بمنشف وقبل ما يشيلها تضايقت هي من سروالها لانه مبلول ف سلحاته بس هي متغطيه ب منشف اساسا ف مشاف شي هو شالها بيديه الاثنين وحطها ع السرير وجاب جاكه واسعه من دبشه لانه تحشم يلبسها(توا تحشمت🥲☺️) قاللها تسلح المبلول وتلبس جاكته
لبست جاكته وخش ولع المكيف ع الساخن وقبب شعرها بالستشوار  ولبسها شخشير طويل لتخت الربكه وبعدين غطاها كويس ورقدها ورقد جمبها على طول لانه هو نفسه كان تعبان بكل

وعت ثاني يوم ولمست خدودها اول شي لان حست انهن بيولعن نار من كثر سخونتهن شافاته جمبها وهي مش متذكره شي امس امتى روح وهي كيف رقدت هنا وكيف غيرت دبشها وليش حاسه روحها فاشله