Mir | ميـر

Part 13

صلو على سيدنا محمد
البارت الثالث عشر

ميس:الو
عماد:شن جوك
ميس:الحمد لله وانت
عماد:كويس دزيتلك مرديتيش رنيت
ميس:مسكره الاشعارات مطلعلي شي
عماد:وينك انتي توا شديري
ميس:في الحوش وبن نبي نكون نتفرج
عماد:وين مجد نجيك
ميس:تجيني وين
عماد:قاعد في السياره دزيلي لوكيشن حوشكم
ميس:عماد مش من جدك مزلنا  ما عدينا لبريطانيا مزلنا في ليبيا
عماد:تي شن بيصير غير هي بس
ميس:اوف سكرت عليه ودزتله الاوكيشن بعدين تذكرت شكلها ووين قاعده صبت بسرعه ولمت الحوسه الي دايرتها وخشت غيرت دبشها لبست توته فكتوريا سيكرت بيج وطلقت شعرها ودارت تنت ع خدودها وشفايفها ولبست شبشب الحوش بتاعها وبخت عطر وبخت معطو للحوش وردت قعمزت
ميس:كان تشوف ماما التحول السريع الي صار را قعدت فخوره
قالتها من هن رم تلفونها من هن
ردت :جيت
عماد:قاعد لوطا
ميس:اركب توا نفتح الباب
طلعت ميس فتحت الباب وشويه وركب
خش عماد وسكرت هي وراه الباب
مدلها بوكيه ورد كبير وكيس فيع شكلاطات اشكال وانواع ابتسمت وخذتهم
ميس:نجك ليا (تسحابوها بتقول عليش متعب روحه هذي في جهه والذوق في جهه)
ضحك عماد وخش لحقها للصاله
عماد:خوك وينه
ميس :حي عليا مش عارفه طلعت تلفونها ورنت عليه
مجد:نعم
ميس:مجد امتى مروح
مجد: عليش كنك
ميس:غير امتى مروح
مجد:مزال مش توا كنك شن تبي
ميس:اا لا شي قبل نبيك تجيبلي معاك شبس
مجد:ميس حي عليك امس جبتلك المحل كله لحقتي تكمليه
ميس :قصدك في مش عارفه توا نشوف بلكي مشفتهمش بس مع ذلك انت جيب
مجد ضحك:عليك مصاريف كلا انت حاضر توا نجيب
ابتسمت :ثنكس بيبي باي

سكرت عليه وهي مبتسمه وبحتت في عماد
:مزال مش توا يروح
عماد:خوك هذا ولا
ميس:يب
عماد:امم
ضحكت ميس :كنك واصلا عليش جاي
عماد:تغيبي واجد معش شفتك
ميس:معنديش نيه نجي
عماد:تعالي علشان خاطري هي سنه خلاص بعدها تسافري تقعدي تقولي ياريتني عديت اخر سنه
ميس:لا مش ح نقولها غير نعدي بس انا والله معد متذكره يوم عشته هنا
عماد ضحك :توا نشوفوا
ميس:تبي نجيبلك حاجه
عماد ضحك:لا منبيش اقعدي انتي بس
قعدو في لحظة صمت ميس معش عرفت شن تقول عيونها تبحت في كل مكان الا عيونه اما هو ف كان يشوفلها

رن تلفونه ميس وكانت اسيلا وعرفت لو ردت عليها مستحيل تسكر منها ف سكرت عليها وعماد استغرب
عماد:كنك متبيش تردي
ميس:لا هذي بنت خالتي كان رديت معش نسكر منها
عماد:امم انتي مش مرتبطه
ميس معش عرفت هذا سؤال ولا يحكي لروحه :ااا لا سؤال غريب فوقت غريب
عماد:جاني فضول بس كذلك مستغرب
ميس ابتسمت وقالت بثقه:مستغرب كيف وحده حلوه كيفي مش مرتبطه مع ان المدرسه كلها تبيني
عماد ابتسمت بتكلف: امم صح هذا عليش مستغرب
ميس:مفيش حد يستحق نحكي معاه هذا عليش مش مرتبطه ومعمريش ارتبطت
انصدم بعد عرف انها معمرهش ارتبطت وفرح :معاك حق وهكي احسن
كرت ميس الكيس الي جابه وطلعت منه كندر بيضه وخذت طرف وعطاته طرف : sharing is caring
عماد:sharing is love language
بحتت فيه ميس وهو كذلك لفتره بعدين توسعت ابتسامتها وضحكت بشويه :منبيش نلزك لكن خويا مرات يجي وتوا نجي للمدرسه عشان معش دير اللقطه هذي مره ثانيه
عماد:خلاص كان تجي انا معش ندير اللقطه هذي مره ثانيه
صحكت ميس وطلعاته وسكرت الباب راجت شويه بعدين قعدت تنقز في مكانها خشت حولت الكيس والبوكي ولمت شعرها ولعت مسلسلها من جديد وردت تتفرح ولا كانه كان عندها حد في الشقه