نَجمات في كف المتمرد (الأصلية)

مقتطف 🚫🔥

#هيل محمد

#نجمات في كف المتمرد

تصويت ومتابعه للحساب +تعليق بين الفقرات
عيوني انتو

Insta: hail.__3
                         

ليلة مظلمه حزينه مو دافية
شتاء بارد
لا حضن اهل
لا اب
لا ام
لا اخ
عائلة مشتته

كلهم رحلو الى نفس الطريق لكن طريقي كان مختلف جداً عنهم فقدري كتبَ لي ان اسلك الطرق المتعرجة

امسح دموعي والم بالملابس اخذت ذهب امي اوراقي كلهم اخذت قميص ابوي الشي الوحيد الي ضلي منهم شميتو بقوة

:- بعدك بابويه خلافك صرت بضيم نذليت يابويه رحلت ووعفتني ليش شنو الحكمة ربي ماعندي بس هو وراح اخذني يمهم بعدك الالماسه ضاعت

بجيت صارت صوت الرعد يقوه وصوت الهوى العالي ظلام دامس لميتهم كلهم جنطة وحده وبسرعه بسرعه ضميت الجنطة جوا جربايتي وكعدت متوتره وبلشت حركات التوتر الي تصير وياي رمش العين المستمر رجلي تنهز وحدها اكل اضافري بقوه

انتضر ميل الساعه يوصل لساعه ١٢ ارجف
:- يربي ساعدني ساعدني اطلع من هذا المستنقع الخايس لحضات تحبس الانفاس اشبه لفلم رعب وخايف من شي يطلعلك وسط الظلام

شفتها صارت هدوء لبست الجنطة صفح على ايدي ولفيت الجاكيت عليها حتى محد ينتبه نزلت اتسحب البرد يكص كص وملابسي خفيفة نزلت دمعتي
شكد جنت ادفئ بحضن ابوي مجان يخليني بعازه البس وهسة بخلافة حتى الهدم حصرة عليه

:-والجرح بجفاك ماطاب
والكلام وياك بعتاب بويه

نزلت على الدرج بهدوء صنطة هدوء عام على بيت الشر هذا حطيت الثام على وجهي والكبوس فوك الشال وصلت لباب الصاله سكتت احبس انفاسي طلعت المفتاح على كيف خليته بالباب وفريته بكل هدوء بمجرد ما نفتح طلعت بسرعه وقفلته وراي حتى ممبين احد طالع مشيت افتريت من الحديقة وطلعت من الباب الرأيسي مشيت بشارع بسرعه بس لمحني واحد صرخ وراي ركضت بكل سرعتي خايفة

:-منو هذا الي شافني وصلت لشارع العام بسرعه اجرت تكسي وصعدت باوعلي ابو التكسي

:- عمي انتِ منا جانت

نضراته غريبه
:- ها اي عمو بس امي متخربطه وابوي ودى عليه حتى اروح

عقج حاجبه
:- بهذا لبسج بارده عمي

دنكت همزين الكمامة خافية اثار التعذيب وسني المكسور
والا جان شمرتني من سيارتك عبالك مجرمه

:- اي عمو بعد استعجلت ولبست

:-هاي ملثمة روحج من البرد

:-اي عمو مشوفها ثلج

ضحك وهز راسه
:- وين تردين بويه

:- لبغداد عمو

استغرب وحجا
:- عمي ماشيه من الناصرية لبغداد شني