نَجمات في كف المتمرد (الأصلية)

الحلقة السادسة

#هيل محمد

#نجمات في كف المتمرد

تصويت وتعليق بين الفقرات لطفاً

Insta:- hail.__3

كاتلني هَجرك بَس أكابر ..
~~~~~~~~

نهرين::- لتفت عليها وحجت بنبره غريبه

نهاية:- رجع كتالي

هزيت راسي ما مفتهمة دارت عليه وحجت بحزم
نهاية:- لا تنزلين انتضريني اغسل واجيج

مشت وعينها عليهم راحت مرت دقايق واجت وانا على وكتفي سحبت نفس ولزمت ايدي

نهاية:- امشي نسلم على ابن عمي

هزيت اي
:-بس كلشي ما مفتهمة ليش هيج بس شافت
اصيل استغربت؟

نزلنا وهما بصاله واكفين كلهم وصلنا ليمهم سلمت عليه هدى

هدى:-هلا نهرين مشتاقين هواي

نهرين:-هلا بيج انا اكثر

عاينت على نهاية مستغربه
هدى:- هلا ياهو هاي؟

حجت نهاية مكتفه ايدها مبتسمه
:- نهاية اخت ناصر

نكلب وجهه هدى وبلعت ريكها وكأن هذا الاسم يرعب الحاضر والغايب
:-ليش هيج مستغربين من نهاية وكلهم تجيهم
ام الركب من اسمها؟؟

هدى:- هلا بيج

كالتها وراحت ونهايه ضحكت ضلينا على صفحة واكفين خلصو سلام وهاي رحت لاصيل عيوني دمعت من لمحت طوله هذا الي صارلي اب بكل معنى الكلمه

كام وكف كدامي
نهرين:-شلونك يابه

اصيل:- ياهلا بالصغيرونه شلونج بويه

باس راسي نزلت دمعه مني
نهرين:-الحمدلله على السلامة نورت البيت برجعتك

ابتسم ابتسامته الي تشرح الروح
اصيل:- يابويه شكثر مشتاك لضحكتج

ابتسمت وهو مبتسم بمجرد ما تحول نضره لنهاية رخت ملامحه وضل يرمش وكان ما مصدك ضل يعاين عليها تقدمت هيا مبتسمه

نهاية:- السلام عليكم الحمدلله على السلامة ابن العم
الغالي جداً جداً

بلع ريكه ما مصدك واكف جامد هزيت ايده
:-يابه نهاية تسلم عليك

هز راسه وعاين عليه ورجع على نهاية عاف وطلع
ضحكت بستهزاء

نهاية:-خطيه انصدم اثاري ناصر ما منطي خبر

نهرين:- وليش شنو مايعرف راح تجين

نهاية:- تؤ محد يدري بس ناصر وابو الزون

عافت ومشت نهاية بيها ضخامه جسمها مو ناعم وهدى نفسها اله انا ورفل انعم اثنين بالعشيره هاي يحطنه جوا باطهن والله