لهيل محمد
#نجمات في كف المتمرد
تصويت وتعليق بين الفقرات لطفاً
Insta:- its_hail3
أقنع الرّوح ،
شيقنع النواظر؟؟
إذا للسّاعة وجهك حَاضن العين؟
شيشلعك؟ نظر بالعين صَاير !
گمت كل يوم اگولن .. بَاچر أنساك
ويجي بَاچر واگولن "گلت باچر"..
~~~~~~~~
اجا اكثر شهر احبه هيج ريحتة تترس الرية تتشم بشوارع
بالمجالس وحتى الهدوم اليوم رابع يوم نقرأ على
فاطمة العليلة (عليها السلام) نزلت مبدلة اخذت بخور
بخرت الديوان اجن نسوان خالي يحضرن الصواني والتوزيعات
دخلت الماس تعدل بشالها ابتسمت الها كالت
الماس:- لبست هاي الدشداشة شو جنها صغيرة
ضحكت وكلت
نهرين :-تخبل ونبي غير شتلبسين يلوكلج
ضمت شفايفها بيدها بخجل مبتسمة
الماس :- عادي اساعدج
اخذت الصينية ارتب كاسات الماي
نهرين :- هلا ومرحب تعالي
وكفنا نرتب ونصب النومي لان بلشت نسوان تجي وتلتم
ونسوان خالي راحن يسلمن وذبن الشغل علينا طبت رفل تعدل
بروحها باوعت الماس ماعاجبها كالت واضح الضوجة من صوتها
الماس:- هسة هاي شبيها تباوعلي صفح ليكول بايكة رجلها
ضميت ضحكتي اجيت اكلها صدك بكتي ودرت اعدل الكاسات
نهرين :- معليج يروحي تغار منج
الماس :- وهسة شعندي حتى تغار على جمالي
لو حلاوة حياتي
كرصت خدها احاول اخليها تبتسم
نهرين :- ما اسمحلج تحجين عن مرت اخوي هيج
ماكو بجمالها اصلا
ضحكت وبانت احلى ابتسامة على وجها ندفع الباب
دخل ناصر بيدة صينية صاح
ناصر:- وينج بوية هاج اخذيها
تقدمت الماس كبلي وكفت كباله هو طويل وهيا عبالك
بطل عصير ابو ربع كزكزت على فرق طولهم رفع الصينية
موخرها عن ايديها
ناصر:- دوخري الفصمة وخري
الماس:- شبيك انطيني اساعدك !
ناصر:- ياهو مودي عليج استريحي
نزل الصينية على الكاونتر وخرت ماسة ضايجة
راح يمها اسمع بس همس مدنك الها ويهمس يم اذنها وهيا
داريرة وجها بزعل كتلني الفضول اعرف شلون خلاها تضحك شوي وطلع استحيت اسألها كملنا وبديت اقدم لنسوان الماس مستلمة الماي وانه النومي ورفل وهدى يصبون النا بدأت القراية اجت نهاية
كعدنا ثلاثتنا يم الباب قريب منه بلشت بالقراية والنعي وكلنا جتا فاقدين حنان الاب بمجرد ما سمعنا حوار دار بين الامام الحسين
(عليه السلام) وبنتة عن اليتم نذرفت دموعنا جانت شهكات الماس
اقوى منه بدأت تنهار وانهلت علينا بالصراخ
أنت تقرأ
نَجمات في كف المتمرد (الأصلية)
Actionيحكا إن هناك بيوتً من النار فيها عشائر لا تعرف سوا العادات والتقاليد والأعراف والدمار ظلام دامس ونهار هاجس اسرار مدفونه واساطير حيكت بخيوط ملعونه طغيان واجبار انكار وحرمان حقوق ضائعة وعادات افسدت حق المحاربة ليخلق ذالك المتمرد ويغ...
