نَجمات في كف المتمرد (الأصلية)

الحلقة الثامنة عَشر

هيل محمد

#نجمات في كف المتمرد

تصويت وتعليق بين الفقرات لطفاً

Insta:- its_hail3

يـ المتعبنة مدري شمالنة نريدك !

~~~~~~~~

نهرين::-بلعت ريكي من دخل ناصر بيده جهال اثنين بنيه ولد وكفنا مصدومين مذهولين فلت ايديهم  اجو يركضون

والصدمه الاكبر حضنو نهاية الكاعده على ركبها لمتهم بحضنها تبوس بيهم بحسرة وشوغه روح وتشهك تمسح براسهم وتشمهم صوت شهكتتها مردن كلوبنا مسح ناصر عيونه بسرعه وجهه احمر مبتسم لنهاية

نهاية:- ياروح امك رجعتولي رجعتهم
اخويه جبتهم وفيتلي بوعدك

هز راسه ولماها بحضنه بجو اثنينهم دمعت
ماكدرت حاضنه وكأن يريد يدخلها بحضنه
ناصر:- كتلج مايطلع دمي من دمج اذا ما وفيتلج بوعدي

نهاية:-ياعمر اختك الضايع بدونك

ناصر:- ياعيون اخوج اليشوف الدنيا بيها

لحضات مؤثرة حيل دنكت لالماس باجيه وتمسح بعينها صدمه بالنسبه لبيت جدي اصيل الجامد واكف بدون صوت جدي خوالي يعاينون بكل قلق اله انه ومحبين ناصر ونهاية

حضنها يمسح على راسها وجالها حاضنيها
ناصر:- تتذكرين من كلتي ها خويه ها تكول انه عينك
ما حملي وكلفلك جا وينه حجيك واليوم انه ثبتتلج حملج على جتافي اشيله وحجيي اوفي الج

شهكت وحضنته بقوه
ناصر:-دينج رجعلج يا نجمتي المالج نهاية

بجو اثنينهم بصوت يشرح الروح دمعنا وياهم زين طبطب على كتف ناصر وجالها يبجون ما انكر صدمتي بنهاية يعني من كالت لرؤى مزوجة ومخلفة فعلاً هيا هيج

اشرلي ناصر اروح لزمت نهاية المنهارة شالت جهالها ومشت بيهم صاعده فوك تبجي
ناصر:- لا تعوفيها

نهرين:- والماس؟

ابتسم عاين عليها
ناصر:-انه اجيبها روحي بابا

صعدت بسرعه لنهاية الي تبجي حاضنتهم وهما يبجون ويصيحون ماما ما جانو صغار يعني من عاتبوها وضحولي هلشي حضنتها اهديها وهيا تحجي

نهاية:- غيابكم يا يمه تعبني خذوكم مني
المابيهم رحمة حتى على روحهم

نهرين:- هسة رجعولج بعد محد يفرقهم عنج

بجت حيل مبتسمه تقدمت بتها كبالها تمسح عيون
:- لا يمه لا تبجين يمج احنا جينا

نهاية:- فدوه اروح لكل حرف منكم
ياعوض سنيني انتم

حضنتهم تبوس بيهم وانه ساكته مبتسمه على منضرهم شلون يحضنوها ويهوننون فراكهم عنها..

الماس::-فعلاً جانت صدمه ما توقعت نهاية عدها جهال والغريب ليش هسة يلا اجو هاي للعائلة اسرارها غريبه