نَجمات في كف المتمرد (الأصلية)

الحلقة الثانية عشر

هيل محمد 🌿

#نجمات في كف المتمرد

تصويت وتعليق بين الفقرات لطفاً

Insta:- its_hail3

صَرت هَيله بوَسط هاون
العُطر للغَيْر وَ الدَگات بِيَه .

~~~~~

الماس::- فتحت عيوني عركانه حيل وجع بيدي خفيف  محد موجود وهدوء باوعت على الشباك ضلمه

:-هاي شكد نايمه انا هذا الدوه حيل قوي يسطرني
مثل الميته يخليني

ندك الباب دخلت
زهراء:-شلونج شخبارج اجيت
اشوف محتاجة شي

الماس:- هلا كلبي لا بس ردت اكوم
ابدل واغسل

زهراء:- چا خوش اساعدج؟

الماس:- لا مايحتاج

زهراء:- لا شلون

وخرت الغطى مني واجت سندتني ومشتني للحمام
يا يابه الشعور الاحس يخنكني رغم البنيه ما مستنكفه
مني بس احس ثكيله عليهم موبيدي

فتحت الحمام ولبستني برجلي وكفت على المغسله غسلت وجهي وهيا انتضرت برا بللت شعري شوي وركبتي باوعت على وجهي الزراك بطرف شفتي وسني المكسور طكع بأماكن مفترقه من وجهي جفوف ايدي لون بشرتي الشاحب

:- اخخخ يابويه اخخخ شوف حالتي بعدك

نزلت دمعتي دنكت حيلي مهدود اجر النفس كوه شهكت بدون قصد والغصة كضت بلعومي ندك الباب مسحت وجهي بالماي وغسلت بعد مره كضيت الحايط ومشيت كوه

فتحت الباب واكفه
زهراء:-سمعتج تبجين خفت عليج

الماس:- شفت روحي بالمرايه حيل متعوبه

زهراء:- الله يساعدج يعمري ربي يجبر خاطرج ويقويج

سندتني ومشينا لجربايه كعدت ورفعت رجلي غطيتهن كعدت بصفي تباوع بحيره

زهراء:- الله يعينج والله جربت مره رجلي
نكسرت وشصار بحالي

الماس:- الحمدلله على كل حال

زهراء:-اريد اكلج سؤال!!

الماس:- سألي حبيبتي

زهراء:- كالو عنج كرايب ناصر!

باوعت بحيره هذا كايللهم انا كرايبه اكيد مايدرون بي الشيخ بمصيبتي
:- اي حبيبتي كرايبه

زهراء:-هااا چا شعجب ماخذج وياه هناك لبيتهم

الماس:- عدهم ضروف شوي

زهراء:- هااا زين خوش باوعي راح اجيبلج عشى زين معدتج خاويه من الضهر ما كليتي ونكعد خوش

الماس:- خوش

كامت بهمة ولهفة راحت ماكو دقايق ورجعت بيدها صينيه شغلت التلفزيون وضحكت