نَجمات في كف المتمرد (الأصلية)

الحلقة الثامنة

لهيل محمد

#نجمات في كف المتمرد

تصويت وتعليق بين الفقرات لطفاً

Insta:- its_hail3

بعَدني معَلعل بَدُونك
شما كثرت عَلي عيون
فدوهَ ترُوح لعيونك
واذا وياي صَارو ناس
كل عَقلك يعُوضونك
لا تتوقع تخطِيت
أنه بكلبي مَا أخونك

~~~~~~

انفتح الباب وطب بغضب يباوع علينا
:-شصااير خاله تنوحين ليش؟

هزت ايدها ام حاتم وتحجي وتمسح بعيونها
:- يا يا شنهي الواحد ما يبجي ما يحجي الاملح

:- صدك جذب خاله عبالي صار
للبنيه شي ماتت شمالج

ام حاتم:-خاب وجعه ابوي شمالها جنها كيمر السده

هز ايده ومسح على راسه هنوب انا مخلوسه من الخرعه تحركت وايدي وجعتني صرخت
:-اخخخ يمهههه

نعصر وجهي وهذاك اجا يركض ويحجي بسرعه
حتى كوه افتهم عليه
:-شمالج شمالج هيدي بمچانچ
ياهو عاتب عليج وكالج تحركي

ام حاتم:-نهجم بيت الباميه هوهو دهيد انتَ

دار على ام حاتم وهيا تهز بيديها بحركه عجيبه نزلت راسي اسمعه يستغفر
:- خاله انتِ عون فرعون!

ام حاتم:- فرعون للملحان المثلك

ضحك وهيا ضحكت تقربت عدلتني وخلت راسي على المخده
ام حاتم:-لا تتحركين لا تلچمين الجرح يمه

هزيت راسي اي وهو واكف دارت
ام حاتم:-شنهي واكف جنك شمر علينا تهوطي وتلوطي

:- انتِ عندج عداوه وياي شمالج؟

ام حاتم:-بيه بعبع شو داطلع خلنا نشوف البت نفحصها

حك راسه ودنك وطلع كعدت بصفي سحبت التيشيرت
ام حاتم:-اي الحمدلله ما نفتح جرحج

الماس:-خاله انتِ دكتوره

ام حاتم:-يااع شنهي شيابني على الدكاتره لا يمه
الويا هذا الاغم دكتور

شهكت واجيت اطفر لزمتني بسرعه
ام حاتم:-وين وين ناكزه جنج كمله كل شوي
طافرتلج بمچان

الماس:-منو خيط جرحي هذاك مو؟

ام حاتم:-اي يمه چا موش دكتور المافاهيم هذا

صخن وجهي وادردم وي روحي
:- امداني اي والله هيا هاي الشرده الجنتي كاتله روحج عليها هيا عايزه ويجي يكشف عليه هذا الولد

كعدت بصفي تسويلي لفات وتوكلني
:-خاله مراح تكولين لاحد

سكتت وباوعت عليه ابتسمت وحجت
ام حاتم:-شوفي يمه انا ما اتحجى حجايه خوشن بس شنهي انا اكلج هذول ولد حموله وكفو وعلي داحي الباب لجن لو وكفولج ليطرون روس اهلج وهذيج العشيره المخزبكه نصين