نَجمات في كف المتمرد (الأصلية)

الحلقة السابعة

لهيل محمد

#نجمات في كف المتمرد

تصويت وتعليق بين الفقرات لطفاً

Insta:- hail.__3
و فى أسفل عينيها ، من أفعالكم أثّر .

~~~~~~~~~~~~~~~

نهرين::- مرت ايام امتحاناتي بشده من جهه البيت ومشاكله والولد يوميه يحلون طلابه وي جدي والمضيف مخبوص والطلابه الي وي العشيره الـ هسة ما نحلت

نهايه ساعدتني هواي وزين وناصر واصيل ما عافوني أبداً وكملت الحمدلله ونجحت وقدمت منتضره قبولي يطلع

نهايه دائما تسولف وياه ناصر وتكله
:-جيبها يمته تجي فاض الصبر بيه

وهو يوعده اتجي وانا ما فاهمة منو هيا الي تجي واعدها بجيتها اشوفهم دائما يحجون بهمس ويكعدون بغرفه ناصر ساعات مدري على شنو يخططون ومن جيه اصيل لهسة نهاية ما تنزل بوجوده

دائما من يطلع يلا ومن اسألها تكلي
:- ما اشتهي اشوف خلقته

ما اعرف شنو سبب هذا الكره كعدت من الصبح عبن متعوده من ايام الدوام عيوني ماخذه على الكعده نزلت لكيت هدى وسحر كاعدات يسولفن بالمطبخ ويحضرن ريوك حضرت وياهن كم شغله وصبينا دقايق والتمو على الريوك ما نهاية ما نزلت ولا ناصر ولا زين محد بيهم موجود

كعدت بصف اصيل ابتسم بوجهي
:- صباح العافيه بنيتي

:- صبحك بالخير يابه

باس راسي وسوالي لفه اكلتها وهدى تعاين بتك عين
غلست عليها وهو يحجي وي جدي

اصيل:- اي جدي شفت كلشي خلال هلـ شهور
ناصر خوش مشى الشغل

حجا جدي وهو يحط الكمة بحكله
الشيخ:-حتى لو اشرف انتَ ما ارتاحله هذا يمشي
من جوا ليجوا

اصيل:- افا جدي تربيتي شلون تحجي عليه هيج

الشيخ:-اعرفنه طماع شنهي ما انطي مجال كد الاصبع
يلعب بكيفه

حجا اصيل ومبين ماراضي على حجي جدي
اصيل:- ناصر بعمره ما طمع بشي وانتو ماكلين حقه احجو حق الله من صغره معلعل

الشيخ:- انا قررت اشيله من الشغل واحوله غير مكان

ضحك اصيل بستهزاء
:- ليش من تشيله من منو يخافون بيت عزام بعد

عاينت لسحر ضاجت وحجت
سحر:-شبيهم بيت جدي ليش تحجون هيج عليهم اخوك
هو يأذيهم

ضحك وهز راسه بستهزاء
اصيل:- لا يابوي وين فقره بيت جدج يمشون بصف الحايط من فقارتهم

خلص اكل وكام وجدي وخالي يحجون وعمي فاضل مثل الاطرش يحجي وي مرته هدى كامت ورى اصيل خلصو ريوك شلتت المواعين انا ونسوان خوالي

سحر صعدت والبقيه ضلو بصاله طب زين من برا كال
:- چاي نهرين رايح بصاله

:- احم ما تريكت