نَجمات في كف المتمرد (الأصلية)

الحلقة السادسة عَشر

هيل محمد

نجمات في كف المتمرد

تصويت وتعليق بين الفقرات لطفاً

Insta:- hail.__3

واشمهن خصلة خصلة
والكة بيج ألوان
كل خصلة بعطر
جن داخل لبستان..

~~~~~

نزلت اركض على صوت صياح ناصر الي رج
البيت رج واكف باب غرفه بيبي ويصيح
ونهاية طلع بالماس الي كاعده على الكرسي مرعوبه

:-يمه شصاير  هذا متخبل

يصيح ومحمد يجر بي
ناصر:- كتلكممم لا تحشرون خشومكم هذن
الكبار بحياتي جوزو مني مررتي لحد يخصة بيهاااا

عاطت بيبي
:- لكك غير نعرف اصلها وفصلها شنهي كرصانها عضيناها

ناصر:-تسوينننها تسووينها تعضين ادري بيج

اشر على نسوان خوالي
:- هاج مو هذن نعرف اصلهن شستفادينا

جراه اصيل وزين متخبلين ماينزلم
نهاية:-بالقران احركم واحرك
بيتكم عليكم كافي عاد

دخل جدي معصب
جاسب:- حجيك هذا اندمك عليه حيوان
بطول الزمال تطاول على بيبتك ناصر صيرو
خوش ناس وشوفو منو يجاوز

اصيل:-كافي ناصر اخذ بناتك واصعد

ناصر:-بالقرآن اليوصل وحده منهم ادوس راسه دوس

هد جدي يريد يضربه وكف اصيل بنصهم
اصيل:- ها شيخ خيرك

هز راسه وكتف ايده اشر جدي على ناصر
جاسب:- فارج وصوتك لا اسمعه

ناصر:- دامكم على غلط صوتي وحده اليطلع عليكم

شال الماس ويتنفس بحركة كلب شلنه العربانه
انه ونهاية اخذناها وصعدنا لكيتنا مكعدها على الجربايه ويغطي برجليها ويجر النفس بسرعه ركضت نهاية
جابت ماي وكفت كباله

نهاية:- اشرب اشرب اهدأ لا يصعد ضغطك

شرب الماي يرجف خزر نهاية ودار وجها
كعد يم الماس
ناصر:- احد حاجاج سألوج شي جاوبيني ليش ساكته؟

بلعت ريكها ساكته وتضغط بايدها على الفراش الدمعه واضحة بعينها هزت راسها لا

هو تخبل يعصر بملامحة
ناصر:- بابا حاجيني ناسي واعرفهم سمعنج حجايه

ساكته وبس مدنكة وهو يرجف خاف سولها شي
كعدت يمها نهاية وانه وهو وكف يفتر ويدردم

ناصر:- ملتمات داير مدايرها الحياية ***

نهاية:-الماس جاوبي سولج شي؟

الماس:- لا بس كالن نريد نتعرف عليج وسألوني عن اهلي

اجا بسرعه كعد يمها
ناصر:-شنو كلتي

عاينت عليه
الماس:- كتلهم مثلي ما كتلي ذاك اليوم اهلي
من الشمال وماتو بحادث