نَجمات في كف المتمرد (الأصلية)

الحلقة الرابعة

#هيل محمد
#نجمات في كف المتمرد

تصويت وتعليق بين الفقرات لطفاً

Insta: hail.__3

بالعقل مر بالصوت اخذت التريده
المطر يسكي الكاع موش الرعيده..

~~~~~~

الماس::-حسيت حلكي نخلع الزم بحنكي والدم مله ايدي وجهي احس نشاليت عمه شيماء وعمه غصون يبجن وانا بيدهن

غصون:- ولكممم الله اكبر عليككمم ولكم ابوووها عافها امانه هنااا هيج تسوون

ابو جراح:- تنلصميننن وتسكتتتين تتجاوز وماتحترررم

شيماء:-وطكها هيج هيج

نزلت دموعي من وجعي وجسمي يرجف من الألم
ركض عليه جراح يباوع بوجهي

جراح:-حلكها عمه خاف نكسر

يكلبون بوجهي اباوع على الكاع سني طايح والدم بكل مكان اخذتني عمه للحمام وشيماء وجراح ورانا يصايحون وي عمي فارس وابو جراح

اغسل وابجي والدم ما يوكف بجيت حيل وشلت المرايه وركعتها من قهري وكتمي سحبتني عمه تغسلي وتنشف بوجهي اجت شيماء بيدها باكيت كلينكس ويحطن بحلكي حتى الدم يكطع

:- كسر سني كسره

شيماء:- كسره بيده ان شاءلله

غصون:- ربي بجاهك روايني بيهم يوم راح الزين وبقت العارات علينا اللهي رحمتك

اخذني لغرفتي وصياحهم بعده وعمه تمسح بالدم
:-هما هذول العافني ابوي يمهم وراح امني عدهم يردون ينطوني لكتال ابوي ومدمر حياتي

غصون:- على جنازتي ينطوج والله

شبكتها وبجيت
:-عمه فدوه احميني لتخليهم ينطوني اله عفيه والله والله دمرني وراح يدمرني اكثر

شيماء:- احنا بوجهم عماتي حبيبتي ما نخليهم

ضلت عمه غصون تمسح على راسي وانا ابجي
:- وين جنت عايشه وين هسة وين راحتي وي ابوي وبيتنا الدافي والحنين وهسة انطك وانهان

مادري شلون غفيت وجع فكي يزيد فزيت محد يمي والبيت سنطه اجيت افتح الباب انفتح بسرعه وفات جراح وسداه

:-شعندك هنا شجابك

جراح:- كعدي نحجي محد يدري اجيت كعدي

كعدت وحلكي كله كلينكس كعد كدامي ويحجي متوتر جراح:- انت ما تردين تزوجين ابن ** مو؟؟

الماس:-لو على كص ركبتي

جراح:-خوش حجي عندي حل الماس سمعيني للاخير خوش

الماس:- كول شنوه!!

جراح:- نزوج انا وانتِ

صفنت بوجهه ما مستوعبه
:-شنو شكلت؟ انا وانتَ نزوج