نَجمات في كف المتمرد (الأصلية)

الحلقة الحادي عشر

هيل محمد

#نجمات في كف المتمرد

تصويت وتعليق بين الفقرات لطفاً

Insta:- its_hail3

أُخْفِيكَ عَنهُمْ بَعيداً بين أعماقي
ويفضحُ الحُبَّ لَوْعاتي وأشواقي
وأخبر الناس أَنْ لا عِشقَ يَسكُنني
ويقرؤونك في صمتي وإطراقي

~~~~~~~

نهرين::- تليفوني بيدي وارجف ابوي حرك الدنيا بالاتصالات وسحر من صفحة وخوالي اخذته نهاية بسرعه وطفته حضنتني وانا كلي ارعش

نهاية:- لا تخافين ما يندلونه وبعدين احنا وي ناصر خوش ما اله داعي الذعر والخوف

اتلعثم واحجي من الخوف
:- نهاية ابوي ابوي راح ياخذني يمهم

نهاية:-وشحدهم ولج هما غير يرعشون من ناصر
بس اصبري يجي

كعدتني يمها حاضنتني بقوه وكأن اطمني هيا يمي جلبت بيها حيل خايفه ارجع لبيت ابوي البيت الي حلمت هواي اطلع منه البيت الي نهى وقضى على طفولتي ضلينا كاعدين اجت خاله ام حاتم كعدت تحجي

ام حاتم:-استهدي بالرحمن يا يمه
اخوانجن موجودين

نهرين:-خايفه خاله خايفه

نهاية:-اش اش كلنا ماكو شي محد يوصلج

نهرين:- تموتني اذا اخذتني نهاية تموتني
تحرمني حتى من شمه الهوى

نهاية:- محد ياخذج ياحيل

نهاية:- احرم عليهم الهوى اليردون يحرموج منه

لمتني نهاية اكثر لحضنها جنها تريد تضمني بضلوعها
لحضات وصار صوت سياره والباب يتخبط بعلو صوته
كمنا فازين والماس كعدت مخترعه رحنا ليمها وخاله
ام حاتم وكفت ليم الباب تصيح ندفع الباب اكثر سحبت اقسام وفتحته فاتو وملامح الغضب على وجوهم

زين:- ويننن تليفونننج من يمتتته اتصل
ولج روحييي راحتتت

وكفت نهاية كدامه تحجي
نهاية:-اوكف لا تصيح انه قفلته

ناصر:- وانتِ الثانننيه وين نعالج جم مره اتصلنا
نريد بس نوصل الجن

يفترون ويصيحون وهيا واكفه بنصنا
ناصر:- ولجن بنص الضيم اريد بس اتواصل وياجن
اشوف شمالجن خفت عليجن وعلى البت الي هنا

ام حاتم:- لا تهايط بصوتك شني مو بعينك انه وسلاحي

محمد:- بيبي بدفره وحده ينيموج بالطب العدلي ماتسكتين

ام حاتم:-نهجم بيت الباميه تريد اراويك تريد

وهيا من كل عقلها نيشنت عليه وطكت طلقه
واحنا صرخنا عاط ناصر

ناصر:-خيررريه صدككك جذببب تريدين تكتلينه

ام حاتم:- يوم السعد اكتلكم واخلص جايين هادين على البنوات شني ماعدهن احد