نَجمات في كف المتمرد (الأصلية)

الحلقة 29

لهيل محمد

#نجمات في كف المتمرد

تصويت وتعليق بين الفقرات +متابعة الحساب لطفاً

Insta:- its_hail3
Hail_Mohammed

بثواني عافني العايش يمد هور
شبدر مني وعفتني انته يمد هور
دمع عيني من اصبنه يمد هور
الجبايش والعماره تفيض بيه•

~~~~~~~~~~~~

الماس::-
بجينا ثلاثتنا واكفات ساندات بعض لان الي سندونه راحو اخذنا نهاية فوك كعدناها هيا تلوب واحنا حالنا اسوء منها حضنت نهرين الدمعة بعيني احس فقدت شي جبير جزء من كلبي خايفة عليه
:- لا يأذو ماسوى شي بس دافع عن خواته يعني لعنده غيرة
على خواته بهل زمن ينسجن ينكتل يتعذب ليش بيا جريمة
سواها صار العنده غيرة وشهامة هيج يصير بي بيا جحيم
عايشين بين اهلنا وصرنا غربة

شهكت نهرين بحضني مسحت على راسها وبستها وحدة تصبر بالثانية واثنينة نحتاج شخص يصبرنا على مر الدنيا  اخذت نهاية جهازها معصبة وروحها طالعة عكسنا انا ونهرين شكد حساسات دمعتنا بطرف رمشنا اما هيا لا صلبة قوية شكد فترات نهارينا بيها احنا اما هيا ابد.ما نهارت صامدة لابعد درجة عيونها تتوسل حتى تنزل الدموع وهيا ماترضى

سمعتها تصيح وتهدد
نهاية:- وحق الله وداعة جهالي يا صمد اذا خواني ما طلعو
تشوف مني شي ما شايفة... لا ماتعرفني بعدك ما تعرف
شجرى الزمن عليه اسوي المايسوى روح وبايعتها ما يهمني 
...حذرتك اذا ما طلعو والله اكلب كاعكم بيكم اخليكم تشوفون الموت وتتمنو وما تلكو

سدته وشمرته على جربايه عصرت عبوسي بحضنها حيل حاضنته تصبر بنفسها  مر الوقت مانكدر نسوي شي منتضرين يتحركون وفاض الصبر بينا  نزلنا كلنا حتى نشوف شصار جانو يتعشون والكل كاعد طبيعي !! شلون كدرو ولدهم بالسجن بلا اكل وهما لكمة تدخل بحلكهم بهنا
ابو زين وام زين ماموجودين ولا سحر ولا رفل والبقية كاعدين عبرت مريم تتبسم ونهاية تغلي تريد تهد عليها واحنا لازميها كوة دخل مؤمل راحتله نهرين ونهاية مشيت وراهن مستحية

نهرين :-مؤمل كول عفية ما طلعوهم

نهاية :-سوو شي شهدو الهم ترا جانو هنا ما طلعو

عض شفته السفلية بقهر واكف متخصر ومحتار
مؤمل:- جدي شهد عليهم شبيدي عليهم والله توسلت بصاحبي الضابط مايقبلون نشوفهم وهذول بيت عزام الجلاب ما يتحاجون 

نهاية:- الله ياخذك يا جاسب الله ياخذك لك كون اكتله
واخلص منه ومن شره

تحجي بحقد وبغض وغيض عليهم اول مرة اشوفها هيج بجت نهرين وهو احتار بيها
مؤمل:' لا تخافن راح نسوي شي صاحبهم محامي كال يطلعون

نهاية :-اي اي يطلعون وهذا كاعد يعلف ويدحس بحلكه
زقوم والله اله اطلعه سم عليه

هددت وتحلفت ما انكر اخاف من تهديد نهاية حيل رجعنا صعدنا فوك بخيبة امل بس نهاية لا كل شوي تخابر وتستفسر رحت للغرفة اول ما دخلت الها لفحتني ريحته نعصر كلبي ونزلت دمعتي عليه للحضة