نَجمات في كف المتمرد (الأصلية)

الحلقة العشرون

لهيل محمد

#نجمات في كف المتمرد

تصويت وتعليق بين الفقرات لطفاً

Insta:- its_hail3

تغير لون وجهي كله بذيج الحجايه
الوجه هم عنده سمعه كبال المرايه

~~~~~~~~~

ارتعدت كلوبنا خوف وقلق ورعب من كلمات
محمد دارت نهاية تهمس بكلب مفجوع

:- لا اخوي مايكدروله ما ينغدر لا

نزل زين يركض وتعبه محمد وهيا ضاله واكفة تبجي
بخوف حضنتها احاول اهدأها
:- نهاية ان شاءلله مابي شي ناصر
قوي وسبع هسة تلكي عنده شغل وهيج تأخر

نهاية:- اخوي ماريد اخسرة جاسب
حالف ياخذ مني كلشي حلو ما يخلي اخوي

كامت بهمة ركض نزلت طلعت وصاحت الماس بخوف
:-اخذيني وياج نهرين فدوه

باوعتلها مو بحاله انزلها والجو محترك لا تسمعلها
كلام مو حلو
:- حبيبتي ماسه ابقي يم الجهال ما نتاخر

ركضت نزلت لكيت صريخ نهاية رج البيت واكفه بنص الصاله كبال جدي وتهدد بيهم
نهاية:- وحق من انزل القرأن اذا اخوي
ما رجع احرك البيت انتم وياه زين لو لا

ابتسم خالي فاضل يهز ايده
فاضل:- شني تذبين بلائج علينا روحي وشوفي
اخوج بيا خيسه كاعد ويامن

نهاية :- والله ماكو خيسه غير بيتكم هذا

كاملها خالي ابو زين يتوعد
ابوزين:- امشي منا لا اسحك راسج وراس اخوج
العار ولد الفصليه هم تدهم لسان ويحجون ويهددون

نهاية :- انه ما اهدد انه انفذ لصبح اذا اخوي
ما رجع احسب هذا الله الكتبه عليكم اخلي
صريخكم لستار تحتارون منين طفون رواحكم

سحبتها للمطبخ وجدي يضحك وي بيبي ما مهتم كلهم كاعدين عبالك شي عادي واحنا محتركين سحبت كلاص ماي انطيتها تشرب وترجف

شمرت الكلاص بكل قوته بالسنك
نهاية :-انه اعلمهم والله لاخليهم يولون
لو اخوي مشخوط شخط

كامت تفتر رايحة راجعة وتعض بيدها بقوه
وانه مو اقل منها احس نار تسعر بروحي وبكلبي
شسوا بيا ذنب هيج يأذو ماكافي عذبو بصغرة ما كافي كضه عمره ينام بلبستان ماكافي عيشوه عيشه الفكر وهما تمطر الدنيا عليهم فلوس ليش مانكدر نرتاح شمسوين بيا ذنب هيج يصير بينا

كعدت على الكرسي ارجف وابجي مغطيه وجهي
انفتح باب المطبخ طبو اصيل وزين ومحمد يحجون ويتصلون راحتلهم نهاية بسرعه

نهاية:- زين حباب كلي لكيتو اخوي

اشرلها اسكتي كمل وسدا
زين:- اهدي ماخلي لصبح يبات وداعه العله كلبي
مايصبح صبح اذا مو اخوج يمج