نَجمات في كف المتمرد (الأصلية)

الحلقة 26

لهيل محمد

#نجمات في كف المتمرد

تصويت وتعليق بين الفقرات لطفاً

Insta:- its_hail3
Hail_Mohammed

لتَخِليَنيّ وَحِديّ مَنِينّ أعَرُف
النَاس لا اگِدرّ اعَاشِر لا خِلكَ عِندَيّ
أحِبّ شِلوّنَ غَيرّكَ
مِنَ أوّدَ شِلوّنَ انِا وَيّاكَ
كُلش خِلصتَ وَديّ بَگدّ حُبّكَ
لنَفسِكَ چَنِتَ أنِانيّ وَيّاكَ
مَنِوّ بَگدّكَ يَحِبّكَ مَحِدّ بَگدَيّ
أخِذنَيّ وَيّاكَ مَنِيّ
شَعِندَيّ بَاقيّ وَيّايَ
وَكُليّ وَيّاكَ
اخِذنيّ وَكُلشِيّ لتَوّديَ .

~~~~~~

الماس::-
نعصر كلبي وكفت الغصة بالعومي وانه اسمعه شيكول لاختة
ناصر:- نهاية مو قصة بينا شي لو اعجاب او حب بس مااريد
أملها بشي انه حتى مامفكر بيوم اتزوج او مرة تدخل حياتي انه لوما انتِ طلبتي ما جان قبلت والله

نهاية:- لا تكلي مااحس بشي تجاها انه شايفتك كلش زين

ناصر:- ما احس نهاية ما احس هذا واجب وجاي اسوي انتِ تعرفيني كلش زين انه حتى وي نهرين هيج من صارت مسوَِليتي
بعد عليش حجيج انه قبلت حتى جدج ما يجبرني اخذ رفل

تراجعت ليورى طالعة بخيبة جبيرة
:-شنو جنت متأملة منه؟ شنو جنت المفروض احس شنو
جان بالي يحبني اكيد لا غلطانة والف مرة غلطانة

عبرت من يم نهرين اشرت على العلاكة وكلت
:- منو جابها

نهرين:- ناصر انطاني ياها كال انطيها لالماس

هزيت راسي وعبرت من يمها وهيا نزلت رحت للغرفة حطيت العلاكة على الميز كعدت على الارض وضهري على الجرباية كدامي السمكة الي جابها مديت ايدي تلمست الحوض

الماس:-مثل ما انتِ وحيدة الماس راح تضل هيج
طول عمرها جنت اكول لابوي صدكني محد.يتحمل حمل
الماس كدك بس ما.جان يصدكني محد.يحبني بكدة ومحد يكدر يعوض مكانة 

بجيت ونزلت دموعي تارسة حضني وقررت ارجع مثل اول
ما اجيت صعدت تمددت وبجيت لحد.ما نمت وكعدت بغير
مشاعر بغير وجهة غسلت ونزلت وي البنات تركينا وشغلت وياهن

رغم نهاية ما رضت بس اصريت اشتغل ماريد احس روحي عبء على احد اشتغل بيدي مقابل كعدتي هنا صبو الغدة كعدت يم نهاية ونهرين بينهم بدينا ناكل واذا بجد ناصر كال
:- العرس بهل شهر

نقبض كلبي بس سكتت مارفعت راسي حتى خلصنا غدة
الكلمة كوة تنبلع صعدت فوك رتميت بفراشي لافة روحي بالغطى البنات كاعدات يسولفن للعرس متحمسات وحقهن هذا اخوهن بس شعوري غير لان بعمري ماحلمت بالزواج ولا برجال وياي يعيش ولا بدلة بيض وزفة وهوسة

غمضت عيوني وي فتحتة الباب واجانا صوتة
ناصر :-كاعدات

نهاية:- تعال حبيبي فوت