نَجمات في كف المتمرد (الأصلية)

الحلقة الثالثة عشر

هيل محمد

#نجمات في كف المتمرد

تصويت + تعليق بين الفقرات لطفاً

Insta:- its_hail3

إِنَّ الأَفاعي وَإِن لانَت مَلامِسُها
عِندَ التَقَلُّبِ في أَنيابِها العَطَبُ

~~~~

الماس::- من بعد خبصه بيت اهل زهراء اجت
كبل نامت خطيه وتون من رجليها حقها
اذا انا سمعت اصواتهم وكلت شكد هذول

ردت اروح للحمام تحركت معدله نفسي
بعدت الغطى وستندت وكفت فزت وكالت بنعس

زهراء:-اساعدج!

الماس:- لا كلبي اكدر وحدي رجعي نامي

ماكلت لا بسرعه رجعت غفت غمضت عيوني
اقوي نفسي حتى امشي
:-ساعدني واعني يا اللهي

جلبت ايدي السليمه بالحايط وحاولت ادوس بخفه
على رجلي ضليت هيج على كيف لحد ما وصلت
للحمام بصعوبه ونفسي كوه اجره غسلت وطلعت
نفس الشي

رجعت للفراش روحي منتهية بجيت موبيدي
:- ربي رايده الصحة والعافية ربي اعني على الي انا بي ماعندي سند غيرك شافيني يا اللهي مارايده بس اطيب مليت من حالتي

مسحت دمعتي ونداريت على زهراء بسابع نومه جريت حسره
:- وين اروح وشسوي

سحبت التليفون شغلت يوتيوب واباوع
ابتسمت من تذكرت ابوي
:- يكلي كافي تباوعين ودرسي

جنت اذا اضوج اشغل سبونج بوب لهذا عمري
واتابعه حيل احبه وبابا بس يلكفني اسخت يعيط بيه

:-تمنيتك تجي هسة وتكلي كافي عوفي ودرسي تعال وشوف يابعد العيون بفراكك كل طعم لدنيا ماكو
لا دراسه ولا صحة ولا حيل
يالبعدك عمت هلعين ونطحن كلبي بطواحين

اخخ يابويه يافراكك المعذب احوالي
جنت عامودي بويه سندي عكازتي ضميتني
بوسط روحك وتالي ضمك التراب مني

عصرت وجهي بالمخده وشهكت وبجيت روحي فرفحت صارت الشهكة توكف بصدري كعدت اشرب ماي واسكت بروحي حتى ماعندي احد يمسح دموعي  شربت ماي واخذت كلينكس امسح بدموعي

شغلت القصيده الاحبها ونصيته على كدي واسمع
:- ماهو بيها ماهو بيها ماهو بيها 
   دار خلاف اهلها ماهو بيها
   شبه طفله المضيعه ماهو ابوها
   تحسد كل طفل بحضان ابيه

من كد ما اسمعها صرت احجي قبله واقراها
لامست روحي كلماتها سحبت صوره ابوي
وخليتها بصفي واتلمسها واسمع
ضليت هيج كل شوي
اغفى بمكاني لحد ما سكنت بعد

فزيت على صوت زهراء تندهني
زهراء:-اسم الله لكيتج غافيه كلش
وردت اشيل التليفون والصوره

مسحت وجهي وعدلت كعدتي
الماس:- مادري شوكت غفيت

زهراء:- هسة بالتسعه