نَجمات في كف المتمرد (الأصلية)

الحلقة 27

لهيل محمد

#نجمات في كف المتمرد

تصويت وتعليق بين الفقرات لطفاً +متابعة لحسابي

Insta:- its_hail3
Wattpad:-Hail_Mohammed

رد خل اشوفك جاي صابحني مصباح
واڪسر خشم من كال ها عافك وراح

~~~~~~~~~

الماس::-
رجعت تمددت وبالي وين راح ياخذنا يا ترا نمت على ضهري عيوني على سقف الغرقة هواي افكار احتلت عقلي حسيته كام باوعتله طلع فراش فرشة وحط غطى واخذ مخدة من يمي راح طفى الضوة واجا تمدد

جريت نفس متوترة وجزء بيه مأمن بي حيل صار هدوء كلت مترددة
:-احم.ناصر ما كتلي شنو احضر من غراض؟

ناصر :-الصبح ماسه نامي هسة تعبانه انتِ ابوية

درت وجهي على الجهة الي هو بيها همست
:- ناصر

ناصر :-هابوية

حطيت ايدي جوا خدي اباوعله مغطي نص جسمة وايدة جوا خدة مغمض عيونه
:- عادي اسألك سؤال

نكلب على ضهرة فتح عيونه
ناصر:- سألي ماسه

الماس:- شلون حبيت تصير استاذ جامعي

ابتسم ونكلب لجهتي مباوعلي
ناصر:- شخص نصحني وحبيت امشي بنصيحته

الماس:- منو؟

جر نفس وكال
ناصر:- راح ادخن جكارة عادي وسولفلج

الماس:- اي عادي

عدلت نفسي متقربة من حافة الجرباية سحب باكيت الجكاير اخذ وحدة بحلكة وشعلها وخرها جار نفس وزفر الدخان كال
ناصر:-، من جنت اداوم بالكلية جان اكو دكتور حيل حباب فعلاً انسان واعي ومثقف لابعد.درجة فهو

جان دائماً يجي للجامع الي جنت اروحله شافني وعرفني لان جنت شاطر ما تتخيلين شنو شكد جانت ضروفي صعبة بس دراستي حسيتها ملجائي الوحيد حاربوني بيها وماكدرو جنت تحدي انه والزمن ياهو يا انه

مبتسمة على كلامه شلون يحجي بلهفة وريحة الجكاير وي عطر الغرفة صارت تجنن استنشق بيها بقوة من جمال الريحة
ناصر:- اي فشني مرة جنت رايح لجامع وشافني جان هو جاي
حتى يصلي كعد وياي سولف ونصحني اصير استاذ كالي يلوكلك خصوصا انتَ مجتهد ومثابر تكدر تدرس وتاخذ الدكتور

الماس:- وفعلاً وصرت

ناصر:- بعون ربنا والا انه بضروفي احلم حتى المدرسة اخلصها

الماس:- زين الجامع جنت تروحله بس تصلي؟

ناصر:- لا شون جان الشيخ الي هناك يموت عليه
من اجي يتلكاني عبالك ابنه

رفع راسه مبتسم
ناصر :-عايني ماكوبشر سيء اله واكو شي خلا يصير
الانسان السيء ماصار سيء عبث لكل شخص سيء قصة خلته يصير هيج ماكلج انه جنت كلش زين عندي مكسرات بس اكو نور خفيف دلاني على الدرب الصحيح واله جان شايفة ناصر ثاني هسة