نَجمات في كف المتمرد (الأصلية)

الحلقة الخامسة

لهيل محمد

#نجمات في كف المتمرد

تصويت وتعليق بين الفقرات لطفاً

Insta:- hail.__3

ما نمشِي ويا الرُوج وتردنَا روجَه
العدلَة عدلَة نگول والعوجَة عوجة!

~~~~~~~~

الماس::- مر يومين على حالتي اكل وانام نحلت هواي جسمي صار بس عضم ودوخه ما تفاركني كمت الزم الحياطين وامشي

فتحت باب غرفتي رحت للحمام طلعت لكيت مره جراح ومره حسن كاعدات يضحكن بالهول ويتابعن مسلسل عبرت من يمهن للمطبخ شربت ماي سمعت طراطيش حجيهن

مريم:- هذا جراح اذا ازوجها اشعل اهله

سعاد:- شبيج ياهو يكلبها صدكي نفسه ما تتقبلها
على الي سوته

مريم:- اذبحه بالله تعاركت وياه وتحلفتله اخواني كتلهم حتى خاف يلعب بذيله

سعاد:- لا تخافين عمي ابو جراح هسة يفكنا منها خوما تضل بايره علينا طول العمر ولو ياهو يقبل بيها بس رجعو اخذوها

مريم:- نفسهم اهل الطلابه

سعاد:- اي نفسهم ابنهم رايدها من ذاك الوكت لهسة

نزلت الكلاص من ايدي مشيت كعدت كبالهن نصه صوتهن وصارن يتهامسن ويضحكن اجت يمي شيماء كعدت اخذتني لحضنها رفعت رجلي على القنفه وحضنت نفسي وهيا لامتني وتمسح على راسي

شيماء:-ها يحلوه جعتي تردين شي اسويلج؟؟

:- تؤ ماريد

شيماء:-ليش يروحي شوفي اسويلج كيك وتاخذينه فوك لرقيب تاكلون

رفعت راسي الها مبتسمه
:-احم هو كاعد

شيماء:- مادري والله ما يخلوني اطب يمه اسوي كيك وصعدي شوفي خوش

كومتني وياها اخذتني المطبخ كعدت على الكرسي ولميت رجلي لبطني واباوعلها تسوي بالكيك

شيماء:-تردونها بككو؟؟

الماس:-اي رقيب هم يحبها بككو

هزت راسها وكملت انتضرت تستوي انطتني تليفونها بس لعبه كعدت العب وكل ما ارفع راسي الكاها مبتسمه بوجهي وجهه يجنن بيضه وحجابها البني وملابسها بس حضها جابها يم عمي الغبر

:-شيماء

شيماء:- يا ياروحها

:-احم هو سوال خاف يضوجج ماعرف

شيماء:- عادي سألي الي تردي

الماس:-ليش ماجبتي لهسة

تحسرت وابتسمت بحزن
شيماء:-ربنا ما رزقني

الماس:- يعني انتِ تخلفين؟

شيماء:- اي مابيه شي بس بعد اراده الله سبحانه وتعالى