تحزمت بحزام راشي

الجزء 19

العشرة الليل...
غير صوت الريح اللي مجهد  اللي كان ونيسها.. تنهيدة ورا تنهيدة .. فكرة ورا فكرة  والغصة  اللي وسط حلقها مقادراش تبلعها .. احيانا الشوق كيغلب في صرعات القلب و العقل ! بينما القلب كيحط معطايات اجابية على الشخص ، و العقل كيحط سلبياته..! الاشتياق تيحط الورقة الرابحة و يلغيهم بزوج..

وقفات كتشوف من الزاج ديال سرجم بسهوة .. حتى بانت لها طموبيلتو واقفة جنب الطريق.. وهو جالس فيها تيبان ليها غير خياله .. ضيقت عينيها مفهماتش شنو كيدير! علاش ما جاش دق عليها ؟ تنهدت و هزات تيليفون اتصلت به..

كمال: الزعرة ديالي.

احلام: (كتشوف لعنده وتهضر)   شنو كادير التحت ؟

كمال: (تنهد) كنفكر واش نطلع عندك نشوفك ، ولكن خايف متفتحيش الباب.. ولا نتسناك حتى لصباح ونتي خارجة هاكا عاد نقدر نشوفك.. ما باغيش نبرزطك...

احلام: (تبسمت) طلع طلع..

قطعت عليه وهي كدور في راسها على هاد الحماق دياله.. مشات فتحات الباب كاتسنى فيه يطلع .. بان لها جاي  خلات الباب مفتوح ومشات وقفات في الكولوار .. دخل وسد الباب موراه كيشوف لعندها بنظرات اشتياق وحب خلاوها ذوب وسطهم .. كان هاز فيديه صاشيات ديال ماركات معروفة حطهم في الجنب تيطلعها و ينزلها واخا غير بوحدها في الدار كانت مقادة و معطرة لراسها...

أحلام: فكرتيني نهار كنا نتخاصمو وتجي توقف على الباب .. شرفتي ومزال فبك الهبال..

كمال: (تبسم كيحرك راسه..) انا ايه شرفت.. ولكن الحب ديالي ليك معمروو يشررف ..

احلام: (تنهدت) شفتي لفين وصلنا ؟؟؟

كمال: (طلق يديه باستسلام) نتي لي بغيتي لينا هاد الحالة..انا عييت حل واحد لي بقى عندي نجي نوقف بحال العسااس گدام دارك باش نقدر نشوووفك ..

احلام: (قربات لعنده وقفات مقابلة معاه كتشوف لعينيه) شي حوايج مكيتقدرووش يتنساااو اكمااال.. خصوصا الى جاوك من شي واحد لي عاطيه بلاصة خاااصة في حياتك.. 

كمال: (تنهد وشاف لعندها بنظرة شخص ضائع..!) عاارف كلمة سمحي ليا مغادي تبدل والووو .. ولكن حاولي على قبلنااا .. مكنبغيش نجي نوقف قدامك باش منعصبكش وتفكري شنو طراا .. (قبل راحة يدها) في خبارك كنتجنب نرجع لدار حيت محاملش نكگلس فيها بلا بيك .. الحلاوة ديال حياتي .. فاش كاتمشي كلشي كيبساال..

كون شي واحد آخر اللي وقف قدامها وقال هاد الهضرة مكانتش غادي تخدع بيه.. ولكن حيت كان كيعرف  كيفاش يوريها حبه قولا وفعلا  رغم  اخطائه معاها .. فعلا تاثرات بكلامه وصدقاته...

احلام: هادشي كامل لي قلتي عارفااه.. ولكن الانسان بطبعووو كينسا الحوايج زويينة على قبل خطأ واحد شنو غاندير ؟