تحزمت بحزام راشي

الجزء 58

دفعها عليه.. عاقد حجبانو تيشوف في هاديك الحالة ..وهي شدات على فمها وخرجات تكمل ترجاع..
وهو بقى مكره عايف و مشمئز.. هز تيشرت ديالو تيمسح بيه باش ميزيدش يهبطلو ترجاع .. عاد خرج قاصد الحمام طلق رشاشة باردة تيفرك صدرو بالصابون..

مجا فين يخرج من دوش لقاها طالعة من تتحت هازة حامضة تتشمها .. خنزر فيها ودخل موراها هز فوطة يمسح بيها وهي تخطفهالو..

صفاء: (تتهضر والحامضة على نيفها)  متمسحش ليا بفوطتي.. (جبداتلو ديالو رماتها عليه) شد ..

طاهر: (تيمسح جسمه .. وتيدير فيها شي شوفات ديال منين تسلطت عليا هاد المخلوقة؟) مكاينينش عند مك الفرانات رجعتي عليا ؟

صفاء: ريحتك تخلي الميت ينوض من قبرو يرجع...

طاهر: (ضربها بفوطة للوجه) زتي فيه..

صفاء: والله خااانز ..

طاهر: يلاه دووشت دبا تاني ݣولي خانز..

صفاء: (تتشم الحامضة مقادراش تشم ريحتو) دبا عاد زدتي الزفورة على الخنز...

طاهر: لا نتي هبلتي .. (تكا تيشوف فيها) سحرو ليك عليا ولا مال تاسيلتك...

صفاء: (تكات طاوية رجليها ) واقيلة كنتوحم..

طاهر: (ما دا مجاب قال غير كلام وصافي تنهد وقال) مصاب...

صفاء: شفتك تتنهد ؟ يكما مزروب على لولاد..

طاهر: (دوز يدو على راسو وشاف فيها)  وماالي انا علاش مزوج .. غير باش نكح وندير تريكة...

صفاء: (هزات كتافها) تريكة درتيها قبل لوقت .. تبارك الله عندك تلاتة كتربي فيهم بارااااكة عليك..

طاهر: واهو عندك صح تاهما ولادي ومعزتهم يعلم بيها غير الله .. غاهو ماشي بحال ولادي من صلبي..

صفاء: انا كنقول منولدوش دابا.. حتى يكبرو ولاد خوك بعدا..

طاهر: (علا فيها حاجبو) كون جات عليا انا كون حملتي من ليلتك .. اشمن تيكبرو ولاد خويا..

صفاء: (تتلعب بشعرها )اوا يلاه تسالي تربيتهم وتتفرغ لولادك.. يكفي راك مقصر من جهتي انا.. تزيد تقصر حتى من جهة ولادك؟ انا نصبر ولادك يصبرو على بعدك؟ تولي يومين معاهم ويومايين مع هادو هنا .. اوا دراري صغار صعيييب يولفو غياب باهم تيولي عندهم زايد ناقص كي حضر كي غاب (عوجت في فمها) عاد دوك الفرزيات تتخلي دراري يتعقدووو خصوصا الى شافو باهم تيعطي وقتو لولاد برانين عليه  !

طاهر: (قلب وجهو تتمرضو بكلامها ) تتفصلي وتخيطي غير بوحدك.. سكتينا صافي .. تيزيد ويسميه. سعييد .. تي ولدتي وهدا الله .. دغيا فكرتي فالݣدام .. باش عرفتيني انا غنغيب عليهم ولا ندير شي فرزيات.. هنينا هنينا..

صفاء: دبا امتا غانمشيو لكازا..

طاهر: (ناض هز فوقية لبسها ) حتى تترباي...