تحزمت بحزام راشي

الجزء 62

احلام: (ضرباتو في وجهو ضربة خفيفة وهي تضحك..) تنضحك .. تنضحك.. يحسابلك بصح .. حيث نت شوية لاباس...

عبد الغني: (زير باصابعو على خصرها حتى انّت بخفوت.. ونطق متبسم ابتسامة جانبية..) ياك

احلام: (مصات شفايفها وحطت جبينها على صدره) علاش جيتي علاش..

عبد الغني: (همس ليها حتى تبورشات) نمشيو ؟

هزت فيه راسها وحركته بلايجاب بواحد الشوفة فهمها ..تبسم وقبلها بحب ..رجعت لمكانها ، تتهرب عينيها على سروالو حيث غير متتزيد .. يزند عليها الحال .. والو مبقاتش قادرة تشد راسها عليه .. ديمارا محرك من تما.. يده على فخدها وهي متكية براسها على كتفه شابكة يدها مع يده الاخرى .. ومرة مرة تتبوسو في عنقه ..واحد االلحظة جاتها الضحكة على  راسها .. كيفاش كانت تتسنا غير امتى تشوفو باش تسالي معاه .. ودابا كانت غاتاكلو بكثرة ماموحشاه ! فاش يغيب تيغيب معاه كلشي .. تتولي حياتها باسلة مملة غير تيكون معاها كلشي تيتبدل ..المتعة الحماس الشغف كلشي تيرجع معاه...

وصلو الفيلا اللي كانت خاوية ..دخلو بزوج وهي تتشوف ..

احلام: فين عائلتك..

عبد الغني: (قلع تيشرت  ودخل جبد قرعة ديال الما تيشرب وهي تابعاه) جيت غير انا..

احلام: (تتشوف لعنده وتبلع ريقها) فين لي كادو ديالي ؟

عبد الغني: (اشار ليها الفوق) كاينين الفوق في البيت..سيري طلعي هو اللول على يدك ليمن.. ولا نطلع نجيبهم لك ؟

احلام: لا غير خليك..

ضحكت ومشات طلعت الفوق ، دخلت لغرفته لأول مرة دخل ليها..دورت فيها عينيها كانت مقادة وكلشي في بلاصته مرتب  واخا بوحدو  منظم ..بانت ليها واحد لفاليز حمرة عرفاتها ديالها.. مشات فتحاتها تتشوف كيف العادة مهلي فيها غير بداكشي لي كتبغي ومعمر عينها !

مشات دخلت للحمام اللي في غرفتو .. وخرجت جلست على طرف السرير .. حاطة رجل على رجل تتماصي عنقها وتتنهد حتى دخل مورها ..قرب عندها تحنى جلس قرفصاء و وبدا يزول ليها في سبادرين بهدوء  وهي تتشوف لعنده متبسمة تيعجبها بهاد الحركات..

عبد الغني: كلشي هو هاداك ؟

احلام: شوية وصافي..

عبد الغني: (تبسم وزول ليها تقاشر) عارف نتي غلى من كلشي .. وخا نجيب لي جبت ما يجيش في مقامك .. الالة احلام..

تكا فوق السرير براحة وجرها فوقو وعنقتها بيديه ورجليه بتملك...

عبد الغني:  شحال توحشتك..

احلام: (عوجت فمها) داكشي علاش مقدرتيش تسرق نهار واحد باش تجي تشوفني..

عبد الغني: (دوز يده على شعرها) نتي راك سرقتي كاع ياماتي.