تحزمت بحزام راشي

الجزء 32

رجعو من الطبيب مطمئنين على ياقوت  .. داز عليهم نهار كحل مداقوش النعمة.. اما توفيف غبر غبرة وحدة ، خيرة في غرفتها معنقة عندها ياقوت .. مزال تترعد وقلبها تياكلها مااكلة .. وخا عرفت من طبيبة باللي مدار لها والو .. كتقول علم الله شنو تيدير فيها وفين كان يقيس وهي مراداش البال ، عمر كان طيح لها في بالها  وتوصل به الحقارة يقرب لبنت صغيرة.. كتلوم راسها الف مرة حيت مرداتش البال..

وكان صفاء ما كانتش في السطح ونزلات  شنو كان يطرالها.. شافت ياقوت ناعسة باستها .. وخرجت عينيها منفوخين وجهها صفر ، لقات امال لابسة عليها جلابتها وصفاء واقفة ليها في الباب..

صفاء: ماما غير سمعينيي.. خليني انا نهضر معااهم..

امال: (خرجات فيها عينيها) حيدي من قداامي ، نتي سبااااب هاد  البلا جايبة ليا شمكارر مكلسااه معانا في الداار مخفتيي على راسك ولا على خواتاتك (كترعد عليها )  عجبك الحال دابا بردتييي تهنيتيي ؟؟ (تتلوي شالها) ولكن انا لي ضسرتك ، ورخيت ليك.. واش هما بيهم شي ورث ديال خوهم؟؟ هما بيهم غير هاد شمكار لصقوه فينا و تفكو منو...

صفاء نزلت راسها مالقات متقول عارفة عندها صح.. في كل كلمة قالتها .. نهار اللول هي لي دخلاتو وكان غرضها تخلي خيرة تخرج من الدار  .. وهاهي وقفت على فعلتها.. بنت صغيرة كانت تمشي ضحية .. تانيب الضمير تياكل فيها .. وقلبها واجعها فاش تتفكر هي مولات هادشي كامل.. بعد المرات تنديرو حوايج في لحظة غضب تيرجعو علينا بالخسارة ، تيصدقو كبر ما ظنينا..

خيرة: غير خليها اماما (وقفت حداهم) نهار اللول تبرييت منها قلت ليها هادشي مصاالحش .. الكلب شمكاار كيجي سكران مقرقرب مسمعاتش ليا .. قاليك حقوو واش نحيدوه ليييه عييت معاها في الهضرة (حمارو عينيها)  نقولو انا مهاماااكش اوا وخوتاتاتك تاهوما..

امال : خيرة صافي (تنهدت) الهضرة ماشي دابا تا نفك مشكييل هاد الحمار .. والله واخا نعررف نحرق هاد الدار تولي رماد ومنسكنووو معايا مزاال ..  غانمشيي نتبرااا من باااه ونحييح نوريهم الخنز ديالهم شنو كيسوى..

صفاء: نمشي معاك..

امال : كلسيي لارض!! معندك فين تمشييي..

خيرة : (بلعت ريقها) هاد شمكار لا مدخلش فين يتربا راه منبرردش..

صفاء: هاهو دخل الحبس .. شنو يديييرو ليه ؟ياكل ويشرب وينعس يدوز شهراين ويخررررج بحالووو يتعداا على بنات واخررين وهي غادية..

خيرة : (بانفعال) انا مكرررهتش نقتلووو (جلست حاسة بالسخفة) يغيتوو يتحررق باش نبرررد بنتي اعيباااد الله..

امال: نتي گلسي قابلي بنتك وخلي عينيك عليها (تنهدت) شديري مع باها متقولي ليه والو ؟

خيرة: (بحيرة) معرررفتش اماما  حرررت...