تحزمت بحزام راشي

الجزء 24

خبر موتها كان صدمة ! خوصا ولادها  ..كان سعيد جالس على برا منزل راسو حالته لا تقل على حالة سفيان .. مقدرش يتيق انه ميمتو مشات ومابقاش غايشوفها .. ملامحه ذبالت وعينيه طفاو ..النفس بزز كيطلعها ..اما محمد عطاه ربي الصبر ، كان واقف على الاجراءات باش يخرجوها واخا حتى هو باين عليه الحزن وقلبه معصور في الاخير كانت ليه الزوجة الصالحة لي ربات ولاده .. وكانت معه في الخايبة والزوينة..عينيه حومر بالسيف واقف على رجليه ..كان معاه سفيان كيتكلم مع طبيب باغي يخرج مو  اليوم قبل غدا يدفنها ..حتى من كمال كان معاهم لي حتى هو مكانش قل منهم حزن ..
شاف لعند سعيد ومشا لعنده طبطب على كتفه ..

كمال: شد فراسك اولد اخويا .. كون راجل..

سعيد: (حرك راسو بلا وقال بنبرة  ضعيفة) مقديييييتش صعيب الحال (شاف لعنده ) راه مي هاديك لي ماتت..

زير كمال على كتفه كيواسي فيه كيتنهد على حالته.. جا عندهم سفيان وقف عليهم عينيه بزز فاتحهم..

سفيان:  انا غانمشي عند دريس..

كمال: غير خليك نمشي انا ..

سفيان: (سد عينيه وفتحهم معارفش كيفاش يقول لخوه صغير خبار بحال هادي) لا  انا لي نمشي مزال مفراسو والو .. وراك عارف مغاديييش يصبر..

كمال: (تنهد) وخا ...

___________________

الدار كانت عامرة كلشي جا العائلة الجيران .. القراب والبعاد .. جو كئيب والدموع في عيون الناس حتى واحد مقدر يتقبل موتها .. كلشي بقات فيه وقطعت قلبهم .. دنيا جالسة في الارض .. كتبكي  عينيها حمارو كانت عندها مينة عزيزة بحال الام ديالها الثانية...

دنيا: (كاتشهق بحرقة) مشاات خالتيي مشااات (نزلات راسها بقهرة) مشاات  العزيييزة وخلاتناا...

الغالية: (كتبكي وتعنق فبها) الله يرحمها ويغفر ليها بغاها الله معندنا منديرووو الله يصبر ولادها..

احلام اللي كانت عاد وصلات لقات الدار عامرة قلبها تزير ودموعها تيسيلو حارين ..مقدراتش دخل مصبراتش حتى هي ..غير كدور في عينيها ممتيقاش ..مشات لعند الغالية عنقاتها كتبكي وطلقات لصاكها..

احلام: كيفاش وققع ( بحرقة) ممتيقاش امامااا واش ماتت ..

الغالية: (طبطبت على ظهرها) وشكون فينا تييييق قاسحة ابنتي..

طلقت منها وجلست حدا دنيا لي مابغاتش تسكت من البكا ..كيواسيو فبعضهم ....تفكرات خيرة وهي تنوض .. خرجت جبدات تيليفونها وعيطت ليها ..

خيرة: (كانت في  المحل جالسة وسط خدمتها حتى سمعت تيليفون هزاتو جاوبات) احلام صافا..

احلام: (بلعت ريقها  وقالت بصوت باكي) خييرة..

خيرة: (وقفت خلعاتها نبرة صوتها) مالكي شنو واقع ؟؟؟؟

احلام: خالتي ميينة ماتت.