تحزمت بحزام راشي

الجزء 34

خيرة:   خلات ياقوت عند امال اللي تتوجد الفطور .. رمات عليها جلابة وشاال وخرجت  لاقرب صيدلية .. حداهم خدات تيست .. ورجعت دخلت نيشان للحمام..

طلعت ليها النتيجة سلبية .. تنهدت حيت كانت شاكة .. جمعت تيست ورماتو في الزبل .. وخرجت عند ياقوت وامال تتعيطلهم للفطور..

خيرة: ياقووت يلاه اماما تفطري مجاكش جوع!؟

ياقوت: (جالسة مربعة يديها) مابيتش بييت سوكلااااط..

خيرة: (تنهدت) اتاكلي سقاطة على الرييق .. نوضي فطري ونشريه ليك..

ياقوت: لا مكيعجبنييش داكشي لي تتحطو  بغيت سوكلاط..

خيرة: (بصرامة) مكااينش شكلاااط لا مفطرتييش..

بدات تتبكي و تتغوت بالجهد دموع تيقطرو ليها وخيرة تتشوف مرضاتها..

خيرة: قطعي حسسك اويلي! الناس تيسمعو..

ياقووت: (تتغوت وتبكي) بعدي مني..

جات امال تتشوف قالت واش ضرباتها على داك البكا...

امال: مالها واش ضربتيها (هزاتها عندها تتسكت فيها وياقوت مخشية فيها ) صافي ابننتي صاافي..

خيرة: اااش ضربت اماما هادي ولات تهضري معاها زوج كلمات تنووض تبكيي .. كلشي من باها لي ضييع ليها  الترابي  وحلت فيها انااا  داباا..

امال: وسايسي يلاه تفطرو..

مشاو لطابلة جلسو  مع البنات من غير صفاء االي مشات الخدمة..

امال: (جلساتها على رجليها) نعطيك حليبة ابنتي ؟

ياقوت: (هزات بكتافها ) لا مابيييتوش ريحتو خايبة..

لبنى: ياقوت فطريي باش نخرجك تلعبي في لبارك..

ياقوت: (بحماس) بصااح

لبنى: ومالي غانكدب عليك..

بدات تتاكل وخيرة تتشوف وتففص على  هاد القباحة اللي ولات فيها تاكل بالحزارة...

هبة: واش نيت هاد الحد راحلين والله ماسخينا بييكم..

خيرة: (تتتاكل) وجي عندي دابا غانكون بوحدي فين ما قاليك راسكم اجيو..

اماال: الحمد لله بعدا لي درتي دارك تهناي من الصدااع..

خيرة: فاش كانت خالتي ميينة كنا عايشييين بيخير .. دابا كلشي ترون عييت نسلك على وجه  عمي محمد ولكن هاداا جهد..

هبة: انا من لول قلت ليييك .. قولي ليه يدير ليك داارك حيييت تيساع مزيااان..

خيرة: (تنهدت) صدااع جابووه ديك سليييمة وبنتها .. اللي تطييير كثر من القيااس..  ياربي تسمح ليا ماباغا نظلم حد ، ولكن راه وهي ودرييس خايفة يديرو شي فضيحة تلاقاو بجوج بلا عقل مكملييين.. واقيلة بيناتهم شي حاجة..