استلقت فوق سريرها ، و الألم كيقطع فيها ، كانو مرافقينها وجيعات طبيعية طيلة اسابيع حملها ، ما كانتش خايفة بزاف .. في آخر كنطرول طمئنتها الطبيبة باللي عادي يرافقها وجع في الاشهر الأولى من الحمل..
كتمرر يدها على بطنها ، الوجع مرة يمشي مرة يجي ، حست بداتها سخنات... و بداو تيجيوها تقلصات في رحمها ، و الضو تيضربها في ظهرها .. بلعت ريقها فاش بدات تحس باللي شي حاجة ماشي طبيعية .. الم كيقطعها .. و تعلقها بجنينها خلاها رافضة حتى فكرة انها تفكر في شنو ممكن يطرالو.. وقفات شادة على بطنها .. وحست بشي حاجة نازلة معاها ..
أحلام: (برجفة و خوف والم .. كانت خايفة تقلب شنو نزل منها....) ياربي حفظولي (شدت على كرشها) ياربي ما يكونش داكشي لي في بالي .. ياربي تحفظولي وتنجييييه.. ياربي ما توريني فيه لي يضررني...
شدت على بطنها وهي ما قادراش ترمي خطوة بالتقلصات اللي في رحمها و الالم ، و حريق ظهرها .. ولا العرق نازل مع جبينها... الم و خوف وعدم تقبل الفكرة اللي كتحوم في تفكيرها .. وقفات في بلاصتها كتنهج متكية على حيط غرفتها .. زولات سروالها لقات كيلوطها عامر بالدم لونو مغلوق و مكبد .. شهقات شهقة ألم .. حست بقلبها توقف و ولا دق .. عضت على شفايها و الدموع تيسيلوو .. نسات المها الجسدي .. و تقلصات رحمها .. ولات تتفكر في جنينها .. نسات قلبها اللي تيتقطع بالالم وكل تفكيرها في جنينها....
زولات لباسها الداخلي اللي ملطخ بالد...م بحال ديال الدورة.. وسكاكين كيقطعو رحمهااا .. لبسات واحد آخر .. دارت فوطة صحية ولبسات سيغفيت واسعة و هي كتنهج من الالم والخوف و التلفة .. هزات لوازمها في صاك صغير في ظهرها .. وخرجات من الابارطمون ديالها .. اللي جلست فيها هاد الايام بوحدها كتصفي ذهنها .. ركبات في طموبيلتها وهي كترجف و تترعد عقلها حابس ! كتحس بجسدها كيبرد عليها.. الالم كيمشي ويجي.. لكن الم قلبها مستمر ، بل كيتزاد بين الفينة و الأخرى...
وصلت عند طبيبتها اللي عندها كتراقب حملها .. مشات نيشان داخلة عندها .. زاطمة في الناس اللي جالسين... حتى وقفاتها المساعدة ديال الطبيبة....
_ (بادب) سيلفوبلي .. مدام احلام راه....
أحلام: (بلوكاتها بيدها مقاطعها) منقدرتش نتسنى .. لبيبي ديالي يقدررر يمووت...
_ نو متقدريش دخلي .. انا نلقى ليك بلاصة ولكن خصنا نحتارمو هاد ناس لي جالسين....
أحلام: (بصراخ فوق جهدها واقفة محنية وجهها صفر شادة على تحت بطنها بالم...) كنقوول ليك لبيبي ديااالي غيموتلي .. ونتي تتفكري في ناس .. انا بغيت غير نرتاااااح من جهتوو .. ما غاداش نتعطل....
خرجات الطبيبة على اثر غواتها..
ط: شنو كاين ؟
احلام: عندي شي حاجة اييييغجووون..
أنت تقرأ
تحزمت بحزام راشي
Short Storyتحزّمت بحزام راشي؛ قصة باينة من عنوانها ، عامرة حزامات راشية و بعيدة كل البعد على المثالية و الزواق و الحياة الفانيدية ! قراءة ممتعة..
