تحزمت بحزام راشي

الجزء 68

وصلت خيرة معها غير مريم .. احلام هازة تيليفون تتراسل مع وليد اللي قاليها راهم في طريق وتتمشي و تجي متوثرة..
لحظات كانو وصلو  وليد نزل منها هو الاول  بقاميجة بيضة وسروال اسود تيبان غزال و مسرار .. فتح الباب وشد يد الام دياله عاونها تنزل كانت تتبان عيانة في صحتها ..لابسة جلابة انيقة ومقادة شالها وصاك في يدها..  ..اما عندنان كان غير تيتبسم  وريحته سابقاه تيبان هو صغر من مراتو وخا راه كبير عليها .. ومعاه شابة صغيرة عندها هاديك 17 عام اخت وليد طالقة شعرها ولابسة قفطان في الاحمر وصاك في يدها تضرب بشعرها الطويل وتبسم...  ومعاهم زوج نسا وزوج رجال اخرين...
استقبلوهم العائلة كان سعيد  واسامة في المقدمة .. تيسلمو ويرحبوو وعدنان من طبعه فيه الهضرة بزاف غير يجاوب ويدير في الصواب عكس وليد اللي غير متبسم تيرد عليهم وحشمان .. والام دياله هضرتها ثقيلة اما  عندنان   غير يحرك فراسه ويضحك ويجاوب عينيه تيدورو خصوصا فاش تيشوف الماكياج وشعورات تيتحمس وتزاد فيه نغزة ..عينه على كريمة دوخاتو  غير يضحك عاجبو الحال..

دخلو الرجال للصالة مع سعيد واسامة اما لوخرين جلسو في الصالة الاخرى ومعاهم الغالية..

الغالية: (متبسمة) مرحبا بيكم نهاار كبير هدا لي جيتو عندنا فيه..

صفية؛ (بوجه بشوش ) الله يكبر فيك الحبيبة ! ياك لاباس العائلة هانية..

الغالية: (بفرحة) والله الا كلشي بيخير بسول فيك الخير ..(تتشوف في صغيرة) هادي بنتك تبارك الله..

صفية: (حركت ليها راسها بالايجاب)  ميساء بنتي الصغيرة كاينة هي و خوها تويمي .. غير مجاش معانا ههه تيحشم.. 

الغالية: الله يخليهم ليك...

جلست معاها تترحب والتحقت حتى كريمة تيديو ويجيو في الكلام .. وخيرة ودنيا في الكوزينة تيوجدو يحطو..

دنيا: ياختي باه تبارك الله شوفي كيف مزال شاد فراسه تحلفي على مرتو مو يمكن هي كبيرة عليه..

خيرة: (ضحكت) تلقايها صغيرة عليه ودغيا بان فيها الشرف .. راه العيالات لي تيبقاو يهزو في الهم والمشاكيل حتى كيجيبوها  في صحتهم دغيا كيبسو اما رجال ضاربين دنيا بركلة..

دنيا: و الله الا بصح وليد كيف جاك..

خيرة: مسرااار  تبارك الله ..

دنيا: تانا جاني غزاال  ههه انا نمشي نشوف احلام ورجع..

مشات دخلات عند احلام لي كانت واقفة قدام المرايا غير مقابلة شعرها وججها..

احلام: (شافت لعندها) شكون جا معاهم ؟

دنيا:  كيما قلتي لينا غير هو واليديه وختووو صغيرة  .. وشب ناس يمكن عمامو وخوالو ومراواتهم..

احلام: (تنهدت) كيدايرين عائلتو ؟

دنيا: مو خلاص تتبان درويشة مثقلة  باه تاهو كيبان ظريف غير شوية زهواني هههه  عينيه غير تيدورو هههه