تجمعو على الطبلة ، كانت طبيلة متيولة مقادة ريحة الماكلة تتشهي...
احلام واخا ممرتاحاش تتصرف عادي .. ديروجاتها منى بشوفاتها .. و ابتسامتها الصفرا اللي تدير فيها كل ما شافت فيها..! انيسة تترحب بيهم و تقشب مع هدا و هداا...
كملو الغدا ، و تحولو للصالون ، تيشربو قهوة ..
انيسة: كون غير عشتو معايا هنا .. شحال ونستوني هاد العشية..
منى: ههه انا غانمشي عندي واحد الغرض (حطت فنجان فوق طبلة وناضت) ها احلام و عبد الغني معاك.. (قربت تتسلم عليها) شكرا على الغدا كان لديييد..
انيسة: بصحتك الحبيبة...
سلمت على احلام بالوجه .. و حتى عبد الغني ، و ضربت على صدرو.
منى: متبقاش تغفل هههه..
احلام تكذب لا قالت ما تعصباتش ، لكن مقدراتش تبين شي حاجة قدام كلشي..!
مراد سلم عليهم ، عطا لاحلام يدو وصافي من لول دايرة معاه حدود..
مراد: (سايق) هاد احلام فشكااال !
منى: (تتقاد الحزام) المشكل راه غالطة فيه .. يسالي منها ميبقاش عاقل على سميتها (ضحكات) وتجي عندي تبكي..
مراد: معرفتي هاد المرة تصدق ليه ههه
منى: آمبوسييي.
في الفيلا لداخل هزات احلام صاكها وشافت لعنده..
احلام: يلاه توصلنيي..
عبد الغني: (تكا باريحية) عيان مافيا ميسووگ..
احلام (عقدت حجبانها) اوكي ناخد طاكسي..
عبد الغني: (شاف لساعة) وخا بلاتي شوية و نوصلك.. من تما نمشي نتفرج في الماتش..
احلام: شكون لاعب !!
عبد الغني: عندك مع الكرة !
احلام: تنحماق على ريال مدريد وكريستيانو... ونت ؟!
عبد الغني: (تبسم) الإنتر ميلان.. (جمع ضحكتو ، و جرها من شعرها شوية) اجي كيفاش تتحماقي على كريستيانو؟
احلام: (ضحكت وشدت على يدو اللي في شعرها) اااي زعما تيعجبني ك ملاعبي و صافي ..
عبد الغني: (طلق من شعرها و رتبو ليه بلطف تيشوف فيها) ما گلتيش ليا شنو كان معصبك قبل الغدا ؟
سمعو صوت طالون انيسة و هما يسكتو جات جلسات حدا احلام
انيسة: مقدراش نجلسو نهضرو انا وياك..
احلام : (تبسمت) مرة وخرى ميغسي على الغدا..
انيسة: مرحبا بنتي .. متغبرييش عليا..
احلام: (تبسمت) ان شاء الله (وقفت هازة صاكها) هاد المرة نوبتك انت لي تجي عندي..
انيسة: بالفرحات عليا..
أنت تقرأ
تحزمت بحزام راشي
Short Storyتحزّمت بحزام راشي؛ قصة باينة من عنوانها ، عامرة حزامات راشية و بعيدة كل البعد على المثالية و الزواق و الحياة الفانيدية ! قراءة ممتعة..