تحزمت بحزام راشي

الجزء 76

بغات تمشي وهو يشدها بيدو بلطق..

طاهر: اجي مزال مساليت لهضرة..

صفاء: (راقصت حجبانها) شنو بغيتي ..

طاهر: (علا حاجبه) مال يماك كتخززي عليا شكاين ؟

صفاء: (تبسمت ) عندي مايداار .. مشغووولة ..

طاهر: (بتهكم ) شمن شغل غايكون عندك من غيري ؟

صفاء: (قهقهت)  امممم وباز تا تكون نت دايرني في بالك عاد نديرك انا في بالي..

طاهر: راك مديورة خلووق .. في البال والݣلب ليهودي لي سلطك عليا ..

صفاء: مالك ؟ شفتك رطابيتي اليوم..

طاهر: (تنهد) واش لي يشوف هاد الخير قدامو ميرطابش ؟  شتك غير تتبعدي عليا تتزياني..

صفاء: انا ديما زوينة.. غير مكنتيش عارف قيمتي وانا حداك..

طاهر: لا زدتي نغزة في زين

صفاء: (تتشوف في ظفارها) اوا مايسحابش ليك غانموت في بعادك احبيب قلبي..

طاهر: علاش داك نهار جييت هاربة..

صفاء: قالهاا ليا راسي ..

طاهر: (تيطلع فيها ويهبط خدات ليه العقل هاد نهار) يلاه معايا لدار ليوم !

صفاء: (تبسمت متعجبة فيه) شفتك ولفتيها ..ماتنساش رانا واقفين على طلااق ..!!

طاهر: (بسخرية تيهضر بشوية) داك نهار فاش كنتي  تحكي عليا وباغية حقك مكناش واقفين عليه .. تانا باغي حقي ليوم..

صفاء: (تضحك) والو مانصيبش ازين .. وزايدون ماشي بحال .. حيت نت لي لحتني ماشي انا ..

طاهر: (دور وجهو للجنب تيشوف بعيدد ويرجع يشوف فيها)  تتعكسي معايا دابا ؟

صفاء: (هزات حواجبها تضحك) جررب تشوف بلا متغمس ياك قلت ليك مزال تقلب عليا ومتلقانيش..

طاهر: اودي الله يعفوو عليا منك المصيبة الكحلة....

قلبت عينيها ومشات تضحك شادة اطراف وهازاه مبينة سيقانها ..و   مخلية اردافها مزيرين خلاتو تيشوف متبعلها العين من رجليها تال تحت ظهرها .. تنهد حك تحت فمو وخرج على برا يكمي  ويخمم في جرتو معاها.. عرف العيالات اشكال وانواع في حياتو .. وبحال صفاء وتاثيرها عليه عمرو شافو ..كيتعجب من راسو كيفاش عارفها انسانة سامة وتيهمها غير راسها ومزال هابل عليها ..دور راسو تيضحك  .. حتى بان ليه سفيان نزل من الطموبيل  ..لابس قاميجة بيضة مدخلها في السروال  ..ساعة  فاليد مع براسلي رجالي مخلق ومقاد اللحية .. والروايح و النقا..

طاهر: سي سفيان  ..

سفيان: (تتنهد) يالاه سالييت جاتني شي سلعة ..  كلشي جا..

طاهر: واييه الدار عمرات مالهم على هادشي كولو..

سفيان: معرت ..  انا ندخل..