تحزمت بحزام راشي

الجزء 80

كانو تيتكلمو وتتعاود ليها على وليد معاملتو وكيفاش حاسة معاه دبا..

احلام: دبا مزيان .. غزال شهوة منو .. مفاهمين .. شادلي الخاطر .. ومتفهم .. ولكن يدير معايا هاه ولا هاه .. غنسيفطو حدا خوتو..

الغالية: (شعلات) اجمعي راسك وتبتييي في باتصيفطيه فين؟  شوفي هاديك قسوحية الراس والنفس الزايدة نقصي منها .. وليد راجل مزيان تهلاي فيه.. ديري بحسابو .. و ميكي شحال مقدرتي . راه فهاد دنيا عمرك تلقايها كاملة من كل جهات..

احلام: (تنهدت) دابا خاص  ندير فوق جهدي باش نحافظ على زواجي؟ نرد لقلبي ونصبر لا لقيت شي حوايج معاجبينيش ؟

للغاالية: وشنو ديري تنوضي طلقي تاني..؟؟ نتي كلمة جوج نطلق.. لاواه..
 
احلام: (ضحكت بسخرية) معرفتش علاش اماما ، ديما تتلمحيلي بلي انا طلقت على الخاوي .. راه لقيتو تيخونيييي ..  وكون تعرفي لشنوو صبرت مع داك سيد غاتقولي باز.. داكشي لي قلت عمري نصبر عليه صبرت ليه ..ماجيتش وطلقت غير هكاك وراك عارفة.. بلا منبقى داوية تاني..

الغالية: (تتهدت) مالي دبا اش قلت؟  ولكن عاوتاني تانتي كان راسك قاسح دغيا تتعغضبي دغيا تخلي دارك .. كنتي قويسحة شوية .. راه رجال عيبهم واحد ! و الى مالقاش راحتوو فدارو مع مرتو تيشوف لزنقة..

احلام: (خرجت فيها عينيها تعصبت) بغيتي تقولي انا سباب تا خاني ياك ؟ انا لي مكنتش ليه امراة ومع هو مسكيييين غير راجل من حقوو يشوف فغيري راحتو هي الاولى؟ 

الغالية: وراه هادشي لي كاين .. راجل بديتي تعكسي معاه وطيحي كلامووو ميعقلش عليك..

احلام: (قلبت وجها تتغلي) عمري نويت تقولي ليا هضرة بحال هادي دازت عليا القهرة بسباب داك الحمار .. ودابا تتقولي ليا انا لي دفعتو يخوني تا فهادي طلعتيني انا لي غالطة.. وسيد راه طبعو هكاك! مريض بالخيانة وتسلݣييط..

الغالية: انا مقلتش ليك دفعتيه.. ولايني راه رجال هوما هادو .. عجبنا ولا معجبناش هادشي لي كاين.. هاد وليد واخا يكون كيحماق عليك .. يشوفك تطيحي بكلامو وتشدي ضد والله متبقاي تحلاي ليه واخا تكوني ماشي غير زوينة ..صاففي جممعي راسك وقابلي راجلك .. وديري ولادك بعدي ليا من صحابات وتستري في لباسك وديري فولارك .. الله يحجعل شي براكة ، بنادم ساير يكبر .. ماشي تلقايه مكيهضرش ضسري .. توكضي عفا بنتي .. و حافظي على راجلك وديري دارك وعرفي شنو ديري..  انا بغيت ليك الخير..! اه والصبر صبر هو كلشي.. 

احلام: نتي بغيتي ليا الدل..

قلبت وجهها على الغالية ، بقى فيها للحال من كلامها وشدات في خاطرها .. كملت معاها الكلام غير من فوق قلبها حتى مشات وجلست معصبة بوحدها...

يوم جديد كانت راجعة من الخدمة دخلت لدار ترتاح وهي تصونيلها عبير..

عبير: فين آلالة لعروسة..