تحزمت بحزام راشي

الجزء 67

سكت شحال تيرمش بعيونو الحومر .. دار لعندها وقال بتهكم..

طاهر: دابا مابقيتش كنشوفك..

صفاء: (بلعت ريقها ) كيفاش زعما مابقيتش كتشوفني ؟

طاهر : بحالك بحال غيرك.. ݣلبي برد من جيهتك..

صفاء: (تزيرت) كداب .. تتقول هاكا فوق خاطرك باش تعصبني !

طاهر: وعلاش غانعصبك ونتي حاملة ؟ كون كان غرضي نعصبك كون ساليت معاك شحال هدا.. (تنهدت واحد تنهيدة ثقيلة) ولاكن معطانيش خاطري نجرجرك لمحكمة ونت واحلة فروحك..

صفاء: (تنهدت) انا راه عمري كرهتك والله..

طاهر: و مابغيتينيش..

صفاء: كون كنتي زايد ناقص عندي منولدش معاك..

طاهر: (بسخرية) وشكون ݣال محلمتيش لشي مصلحة.. نتي متديريش شي حاجة لله..

صفاء: (خنزرت فيه) مريض ولا
مالك ؟ا صلا مكنتش مخططة نحمل جا بوحدوو ..وفاش عرفت راسي حاملة فرحت ..

طاهر: لا باينة فرحتي .. عليها خليتي لا ديها فديك الكرش مخليتي تا مشكيلة منوضتيها معايا .. مخليتني تا تفرح بحمالتك غير صداعات .. وحتى حاجة معاجباك وتنݣري والغوات..

صفاء: ماشي لخاطري فين ما كنت تنشوف ديك بنادمة تنمرض ..راه لي داز عليا ماشي سااهل فهمني! كنت مخربقة ومرونة ..وتانت كنتي تضغط عليا ممسوقش ليا شنو تنحس .. واش مرتاحة ولا لا اخر همك...

طاهر: (تبسم ببرود) واخا آلالة سمحي ليا حييت بغيتك..

قربت عنده شدات فيده بلا متفكر وعينيها مغرغرين وجهها حمر ويديها تيرجفو ..تتحس براسها خايفة .. خايفة تخسرو وتخسر حبه..

صفاء: (بنبرة ضيم) متعاملش معايا هكا..

طاهر: (بجدية) غمضت عيني على بزاف .. وصبرت على بزاف .. دبا مبقى عندي فين نزيد .. ولاد خويا عمرك حنيتي فيهم.. ماجبتهم سكنتهم معاك .. مطلبت منك تقابليهم ولا تصبني ليهم ولا توكليهم ولا ديري ليهم شي حاجة .. بغيت غير المعاملة زوينة تحتارمي عائلتي وتكبري بيا كيف كندير انا .. صفا نجيب ولاد خويا لعندي لاا اطاهر مكنحملش دراري صغار ومعندي خاطر .. وانا بحال لهبيل غادي معاك فهبالك..صفا غانمشي نشوف ولاد خويا كاتنوضي الروينة وحقا بلاش وصافي ..صفا راه فلان مريض خاص نمشي عندوو لا راه معاه مو وجدو.. فينما نمشي نشوفهم تتبقاي تنكديها على دي*مي حتى تتمرضيني...

صفاء: (نزلت راسها تتبكي ) معندي مشكل معاهم ..مهم لي متنحملهاش.. متنبغيكش تهضر معاها ولا تككون قريب ليها .. وتاوديك المعاملة لي كنتي تعاملها..

طاهر: ودراري صغار فاش ضرووك ابنت ناس؟ ووااش لي طلبتو منك كثير ؟ ديما مرضاني وتبداي تجبدي ليا في ولادي لا راه عادير الفرزيات ولخراااا مفهمتش انا شنو شفت فيك نهار اللول والله مفهمت (مسح على وجهو تعصب) مريضة فرايك .. معرفتش منين كتفكري .. وداك لگلب كحل متتحني في حد.. متتراعي لحد.. تيهمك راسك و مصلحتك ، شي حاجة خرى تتكدبي عليا وعلى راسك.. دبا تاني علم الله اشمن مصلحة بانت ليك فيا .. دكشي علاش جايا حانية راس.. ؟